- Jahon CHempionati guruh bosqichining 4ta o'yini“Volgograd Arena”da bo'lib o'tadi
- SHu hafta Rossiya Kubogining final uchrashuvi aynan shu stadionda bo'lib o'tdi
- Arena mashhur “Mamaev Kurgan” memorial kompleksi yaqinida joylashgan
O'yinlar
“Volgograd Arena”da CHempionat guruh bosqichining 4ta o'yini bo'lib o'tadi. Ular orasida 18 iyun kuni Angliya va Tunis terma jamoalari o'rtasidagi bellashuvni alohida qayd etib o'tish mumkin. Tarkib jihatdan ko'pincha kuchlilar qatorida bo'lsada, ijobiy natijalarga erisha olmayotgan inglizlar turnirni qanday boshlashlari muhim albatta.
Stadion imkoniyatlari
Aynan JCH-2018 uchun maxsus qurilgan “Volgograd Arena” o'z bag'riga 45 000 tomoshabinni sig'dira oladi.
Joylashgan o'rni
Jahon CHempionati uchun maxsus qurilgan yangi arena avvalgi “Markaziy” stadioni o'rnida, “Mamaev Kurgan” memorial majmuasi yaqinida qad rostlagan.
Bilasizmi?
“Volgograd Arena” stadioni o'ziga xos dizaynga ega. U velosiped g'ildiraklarini eslatuvchi shaklda barpo qilingani kishi etiborini tortmay iloj yo'q.
Dastlabki o'yinlar
Yangi barpo etilgan “Volgograd Arena”da aprel-may oylarida dastlabki o'yinlar bo'lib o'tdi. 21 aprel kuni “Rotor-Volgograd” klubi Vladivostokning “Luch-Energiya”sini va 2 mayda Samaraning “Krylya Sovetov” jamoalarini qabul qildi. 9 may sanasida esa ushbu stadionda aytib o'tganimizdek Rossiya Kubogi finali bo'lib o'tdi.
Meros
Jahon CHempionati-2018dan so'ng, ushbu stadion “Rotor-Volgograd” klubining asosiy arenasi bo'lib xizmat qiladi. Bundan tashqari, “Volgograd Arena”dan turli mahalliy tadbirlarni o'tkazishda ham foydalaniladi.
Nozima Zaripova tarjima qildi
Bosh sahifaga
151