Toshkent shahar hokimining jamoat va diniy tashkilotlar bilan aloqalar bo'yicha o'rinbosari SHuhrat Turdiqulov raisligida fuqarolar qabuli davomida sportning Turon yakka kurashi turi bo'yicha xalqaro turnirlar g'olibi Nargiza Vahobxo'jaeva futbol bo'yicha Milliy terma jamoa azosi, istedodli futbolchi Odil Ahmedov va boshqa qator sportchilar bilan birgalikda Toshkent shahrida masjid qurish istaklari borligini malum qildi.
SH.Turdiqulov sportchilarning ushbu tashabbuslarini qo'llab-quvvatladi va Sergeli tumanida aholi ko'payib borayotgani va u erda tashkil etilayotgan yangi mahallalarda masjidga ehtiyoj borligini aytdi. Nargizaga tuman hokimligiga arxitektura qog'ozlari bilan murojaat qilish kerakligi borasida tushuncha berdi.
Muloqot davomida N.Vahobxo'jaeva boshchiligidagi sportchilarning poytaxtdagi «Islom ota», «Xo'ja Alambardor», “SHayx Zayniddin” kabi jome masjidlari tozaligi va obodligiga hissa qo'shib kelayotgani malum bo'ldi. SHuningdek, ular Haj ziyoratiga ketayotgan yurtdoshlarga ham ko'maklashib kelayotgan ekan.
Bosh sahifaga
85