Kimdir bu o'yinni ikkala jamoa uchun principial ahamiyatga ega desa, yana kimdir ushbu bahs qay bir murabbiy kuchli ekanligini takidladi. Bilamizki, “So'g'diyona-W” debyutant jamoa va bugun ular chempionlarga qarshi bahs olib bordi. Futbolchilar maydonda teng kurash olib borishdi. “Metallurg-W”ning g'alabasi esa to'plangan tajriba sabab bo'ldi. Jizzaxlik futbolchilar bugun ko'rsatgan o'yin bilan javob bahsida “Metallurg-W” ga bosh og'riq bo'la olishadi. SHu o'rinda, o'yindan so'ng SHerali Babakulov va Avaz Maksumovning o'yindan so'ng bildirgan fikrlarini etiboringizga havola qilamiz.
- O'yinning boshida futbolchilar o'z diqqatlarini yuqotishdi. Berilgan ko'rsatmani bajara olmadi. Qizlar juda yosh va esdan chiqarmaylik debyutant jamoa. Etibor bering, tarkibda 1999, 2000,2001,2002,2003 yillarda tug'ilgan qizlar o'ynayapti. Avvalo bu ruhiyatga tasir qildi. Yana bir bor aytaman qizlarimiz juda yosh. Bunday o'yinlarda esa tajriba birinchi o'ringa chiqadi. Ikkinchi bo'limda jamoamiz bir qator xavfli vaziyatlar yaratdi. Bu esa jamoada ishtiyoq borligini ko'rsatdi. Nasib qilsa yaqin vaqt ichida o'ylagan rejalarmiz amalga oshadi. O'yindan oldin OAV da bu uchrashuv turning markaziy o'yni yoki principiallik haqida aytishdi. Bu o'yinning principialligi nimada ekanligiga hayronman. “Metallurg-W”, “Sevinch”,“Bunyodkor-W” ga qarshi bahs olib borganda principiallik yoki markaziy o'yin deb atasa bo'ladi. Endi shakillanayotgan, yosh jamoaga nisbatan bunday so'zlarni aytish noto'g'ri. Biz debyutant bo'lishimizga qaramay bunday darajada etiborda bo'lish yoqimli va bu jamoa to'g'ri yo'ldan ketayotganligini anglatadi. Birinchi marta sobiq jamoamga qarshi bahs olib bordim. Bu esa ruxan qiyin bo'ldi. 5 yil jamoa bilan chempionlik sari birga qadam tashladik. Zamon aylanib endi raqibmiz. “So'g'diyona-W” men uchun yangi tajriba va o'ylaymayki jamoa hali o'z so'zini aytadi. Ishlashda davom etamiz-deydi Babakulov.
- Avvalo Jizzax viloyati futbol federaciyasi va klub raxbariyatiga minnatdorchiligimni bildiraman. O'yin “So'g'diyona” stadionida juda chiroyli o'tdi. “So'g'diyona-W” yosh jamoa lekin shunday bo'lsa-da munosib qarshilik ko'rsatdi.Yaqin kelajakda bu jamoa hali o'z so'zini aytishiga ishonaman. “Metallurg-W” chempion jamoa. Tarkibda ko'plab futbolchilar bir necha yillradan buyon to'p tepib kelishmoqda. Bugungi g'alabada ularning malakasi o'z so'zini aytdi-deydi A.Maksumov.
“So'g'diyona” PFK matbuot xizmati
Bosh sahifaga
229