Ayni paytda Superligada o'zining yorqin o'yinlari bilan ko'plab futbol ishqibozlarining mehridan joy olishga ulgurgan Grigalashvili nafaqat maydonda, balki uning tashqarisida ham yaxshi inson va suhbatdosh ekanligiga guvohi bo'ldik.
Elguja agarda yil yakunlariga ko'ra Superligada eng yaxshi futbolchi deb topilsa, unda gruziyalik futbolchi sochidan voz kechishga vada berdi.
Elguja Grigalashvili Superligada yil futbolchisi bo'lgan taqdirda sochini tagi bilan oldirib tashlaydi.
"Superliganing eng yaxshi futbolchisi bo'lishim juda qiyin ish. CHunki chempionlik yoki yuqori o'rinlar uchun kurashayotgan jamoa tarkibida o'ynamayman. Bu nominaciyada g'olib chiqish imkoniyati chempionlikni qo'lga kiritadigan yoki kuchli jamoalarda o'ynaydigan futbolchilarda yuqoriroq. Lekin shunga qaramay eng yaxshi bo'lish uchun harakat qilib ko'raman. Eng yaxshi futbolchi bo'lishdan ko'ra to'purarlar poygasida qatnashib ko'rish nisbatan osonroq. Ayni paytda buni uddalasa bo'ladi", - dedi Elguja Grigalashvili.
Elguja Grigalashvili bilan qator mavzularda suhbat qurildi. Tez orada ushbu qiziqarli suhbatning matnli versiyasi o'quvchilarga taqdim etiladi.
Eslatib o'tamiz, "Qizilqum" legioneri Elguja Grigalashvili Superliga to'purarlar poygasida 6ta gol bilan ikkinchi pog'onada bormoqda. Elguja "Paxtakor" hujumchisi Ismoil Gonsalvesh bitta kam gol urgan.
Bosh sahifaga
244