Nashrning yozishicha, Leroy Saneni yakuniy ro'yxatga kiritilmaganiga Yulian Brandt bilan o'zaro raqobatda yutqazgani va futbolchining xulqi sabab bo'lgan.
Yoaxim Lyov azaldan tartib-intizomni birinchi o'ringa qo'yib keladi. Germaniya terma jamoasi jamoaviy o'yinga tayangan holda futbol o'ynaydi. Lyov futbolchilarning individual harakatlaridan ko'ra jamoaviy o'yin uslubiga ko'proq mos tushadigan futbolchilarga ishonch bildiradi. Sane esa nemis mashinasining o'yin uslubiga to'liq kirishib ketmagani ham o'z tasirini o'tkazgan.
SHuningdek, Leroy Sanening mashg'ulotlarda to'liq kuch bilan shug'ullanmagani Lyovga maqul kelmagan.
2017 yili yozda Rossiyada bo'lgan Konfederaciyalar kubogiga burnini operaciya qilishini ro'kach qilib bormagani ham Lyovni g'azablantirgan. Umuman Leroy Saneni o'zini tutishi va xulqi murabbiyga yoqmagan.
O'tgan yili Angliyaga qarshi o'rtoqlik uchrashuvidan keyin Leroy Sane hech kimga bir so'z aytmasdan kiyiinish xonasiga yo'l olgan. Jurnalistlar Sanedan o'yin haqida bir og'iz fikr bildirishni so'rab murojaat qilishganida, futbolchi ularga qarata o'rta barmog'ini ko'rsatganini yozmoqda "Bild".
SHuningdek, Timo Verner va Leroy Sane o'rtasida mojaro kelib chiqqani haqida xabarlar paydo bo'ldi. Ammo mojaro haqida "Bild" nashri hech narsa yozmagan.
Bosh sahifaga
235