"O'tgan safar men yigitlarga etakchilar bilan bahslarda o'z kuchimizni bilib olishimiz kerak degan edim. Kuchli jamoa ekanligimizni mana shunday uchrashuvlarda isbotlashimiz kerak. "Labsa", "G'ijduvon" kabi jamoalarga safarda mag'lub bo'lgandik, ularni o'z maydonimizda mag'lub eta oldik. O'sha yutqazgan bahslarimizda o'yin sifati borasida raqibdan ustunroq bo'lgandik. Yigitlar ikkinchi bo'limning katta qismida boshqacharoq o'yin ko'rsatishdi. Ular osonlik bilan g'alaba qozonamiz deb o'ylashdi. O'yin shunday darajada ketdiki, raqiblarimiz ikkinchi golni urganida, uchinchisini ham kirita olishardi. SHuningdek, ko'plab vaziyatlardan foydalana olmadik. Murod To'ychiboev, Oripxo'ja Abduholiqovda yaxshi vaziyatlar bo'lgandi. Oripxo'ja kerakli joyda gol urdi, muhim joyda paydo bo'lishni uddaladi. Hujumchi shunday bo'lishi kerak. Futbol shunaqa, 90 daqiqaning kichik qismida ham katta ishlar bo'lib ketishi mumkin. Yigitlar o'zida kuch topa oldi. Raqiblarning xatolaridan foydalana oldik. Yaxshi to'p uzatilishidan keyin, chiroyli zarba berildi, to'p borib ustunga tegdi, qaytgan to'pdan gol urdik. Futbol kichik detallarga bog'liq. Agarda to'p uzatilishida kichik xato bo'lganida ikkinchi gol ham urilmasdi.
Murod Rajabovda yuklama ko'payib ketdi, unda charchoq sezildi. SHu boisdan zaxiradan maydonga tushdi. Bilasizmi, asosiy tarkib futbolchisi zaxiradan o'yinga qo'shilsa, har doim ham yaxshi o'ynay olmasligi mumkin. Oleg Pavlovich bilan maslahatlashib, uni o'yinga tushirishga qaror qildik. Yigitlar qanday kuchga ega ekanligini bilaman. Mana, amallab o'yinda g'alabaga erishdik. Yigitlarga rahmat aytaman. B guruhining etakchiligini saqlab qoldik. Endi oldindagi uchrashuvlarda ham g'oliblikka erishishga intilamiz.
O'tgan turda "Lokomotiv-BFK" durang o'ynaganida ularni tabriklagandim. Sobiq jamoamni, Leonid Senkevichni Pro-ligadagi ilk g'alabasi bilan tabriklayman. Ular keyingi turda ham g'alabaga erisha olishadi", - dedi Vohid Xolboev.
Mirjalol Normatov suhbatlashdi
Bosh sahifaga
149