YANGILASH
- Assalomu alaykum! Nihoyat ko'pchilik kutgan "G" guruhida ham 1-tur o'yinlariga start berilmoqda. Belgiya Sochida mundial debyutanti bo'lgan Panama bilan kuch sinashadi. Uchrashuvda favorit aniq. Lekin Rossiyada o'tayotgan mundial doim ham favoritlar g'olib bo'lmasligini ko'rsatmoqda. Ushbu bellashuvdan matnli onlayn translyaciyani etiboringizga havola etamiz.
O'yin soat 20:00da boshlanadi.
- Belgiya ustozi Roberto Martinez bugungi bahsda o'ta hujumkor taktikani tanlagan: 3-4-3. Panama bosh murabbiyi esa tabiiyki himoyaviy sxemani maqul ko'rmoqda: 4-5-1.
Panama yarim himoyachisi Godoyning maxsus "shitka"si
- Jamoalar maydonga chiqib kelishmoqda.
- Belgiya madhiyasi jaranglamoqda. Undan keyin esa Panama davlati madhiyasiga navbat beriladi.
Ajoyib kadr
Tanidingizmi, bu kim?
1. UCHRASHUV BOSHLANDI!
3. Panama o'yinni ancha agressiv boshlamoqda. Debyutant osonliksa taslim bo'lmoqchi emas.
4. Jarima zarbasini ishlab olgan Panama ushbu standart vaziyatidan unumli foydalana olmadi. Belgiya endi o'yin tizginini o'z qo'liga olishga urinmoqda.
6. Karraskoning ajoyib va kuchli zarbasini Penedo xotirjam ushlab oldi!
7. Penedodan ajoyib seyv! Mertensning kuchli zarbasini Penedo ajoyib seyvi orqali bartaraf etdi! Qoyil! Panama kiperi dastlabki daqiqalardanoq ishga kirishdi. Ishini esa hozircha alo darajada bajarmoqda!
8. Belgiya o'z statusiga monand tashabbusni o'z qo'liga oldi va hujumkorlikni namoyish etmoqda. Kisqa paslar va kombinacion o'yin orqali Panama himoyasi yorib o'tildi ikki marotaba. Ammo Penedo katta sahnaga chiqib o'zini ko'rsatdi.
Belgiya sardori va mudofaa chizig'i qurg'oni Vensan Kompani jarohati bois o'yinni zaxira o'rindig'ida tomosha qilmoqda
11. Panama sardori Roman Torres himoyada juda qo'pol xatoga yo'l qo'ydi va to'pni Azarga "sovg'a" qildi. Belgiyaning bugungi sardori Panama sardorini tuhfasidan unumli foydalana olmadi. Azar to'pni mo'ljalga yo'llashda adashdi.
14. Mene Rodrigesga nisbatan qo'pol o'yini tufayli ogohlantirildi.
17. Panama himoyaga yotib olmayapti. Kezi kelganda Belgiyaga kurash taklif etmoqda. Belgiya esa nisbatan xotirjam o'ynamoqda.
19. Hozircha Belgiyaning himoya chizig'i uchligi: Vertongen, Boyata va Alderveyreldga ko'p ham ish topilmayapti.
21. Belgiyadan hujumlar ketma-ketligi. De Bryuynening ajoyib uzatmasidan keyin Roman Torres xavfni bartaraf etdi. Aks holda Lukaku bo'sh darvozani ishg'ol etardi. Keyinchalik burchak zarbasidan esa belgiyaliklar unumli foydalana olishmadi.
24. To'p nazorati to'liqligicha Belgiyada. Panama esa ikkinchi raqamda, qarshi hujumlarga tayangan holda o'ynamoqda.
O'yinni ko'rib zerikib qolayotganlar uchun: VIDEO. Azizbek Haydarov o'zbek futboli haqida qo'rqmay, dangal gapirdi (treyler)
30. Belgiya raqib darvozasi qulfini echish uchun "kalit" qidirmoqda.
36. Azardan super zarba va Penedodan navbatdagi seyv! Qoyil Penedo!
Panama uchun "devor" vazifasini bajarayotgan - Penedo
41. De Bryuyne jarima zarbasidan Mertensga ajoyib uzatmani amalga oshirdi. Mertens esa havodan kelayotgan to'pni erga tushirmasdan zarba berdi. Noaniq.
42. Panama ham imkon bo'lishi bilan hujumga o'tmoqda va uzoqdan bo'lsada raqib darvozasini "poylash"ga harakat qilmoqda.
43. Birinchi bo'lim yuqori tempda o'tmadi.
45. Birinchi taymda hisob ochilmadi. Tanaffus!
46. Ikkinchi bo'lim boshlandi!
Bugungi bahsni 43257 nafar muxlis stadionda tomosha qilishmoqda
47. GOLLLLLLLLLLLLLLLLL! YO'Q, SUPEROL!!!! DRIS MERTENS! Belgiyaning hujumi bir qarashda bartaraf etilgandi. Ammo raqib himoyachisining bosh bilan qaytarib yuborgan to'piga havoda ajoyib va kuchli zarba bergan Mertens darvozani yuqori burchagini aniq nishonga oldi - 1:0. Supergol!
49. Panamaga endi oson bo'lmaydi.
52. De Bryuyne jarima zarbasidan gol urmoqchi bo'ldi. Ammo uning zarbasi kuchli, ammo noaniq chiqdi.
55. Panama!!!!! Murilo himoyachi bo'lishiga qaramasdan raqib jarima maydonchasi ichida qulay imkoniyatga ega bo'ldi. Ammo Kurtua qutqardi! Panama nafaqat Kurtuani, balki stadionga kelgan o'z muxlislarini ham "uyg'otib" yubordi.
57. Panama hujumkorlikni oshirdi. Boshqa chora ham yo'q. Buyog'iga Panama o'z omadini faqat Belgiya darvozasi oldidan qidirishi lozim.
61. Belgiya eng yaxshi himoya bu hujum iborasiga amal qilmoqda. Jamoa o'yin tizginini yana o'z qo'liga oldi. Ikkinchi golni urish uchun hujumga chog'lanmoqda. Panama esa yana vaqtni himoyalanish va raqibdan to'pni olishga sarflamoqda.
- Rossiyalik mashhur jurnalist, sharhlovchi Georgiy CHerdancev Belgiya manziliga, aniqrog'i bosh murabbiy Roberto Martinesga tosh otmoqda: "Qanday qilib bu qadar ko'plab istedodlar bilan futbol o'ynamaslik mumkin", deya kinoya bilan tvit yozmoqda.
66. De Bryuyne navbatdagi jarima zarbasini ko'kka sovurdi.
Dris Mertensning Jahon chempionatibop ajoyib golini ko'rolmagan uchun maxsus manzil -"CA" telegram kanali
69. GOLLLLLLLLLLLLLLLL! "Manchestercha" gol! "Siti" vakili uzatgan to'pga "Yunayted" hujumchisi "labbay" deya javob qaytardi! Lukaku! De Bryuynening uzatmasidan so'ng nihoyat Lukaku yaqin masofadan to'pni boshi darvozaga aniq yo'lladi - 2:0.
75. GOLLLLLLLLLLLLLLLLLLLL! LUKAKU! ROMELU LUKAKU! Dubl! Bu safar "CHelsi" azosi Azar Lukakuni darvozabon bilan yakkama-yakka vaziyatga chiqardi va hujumchi o'z ishini alo darajada uddaladi - 3:0.
77. Panama endi taslim bo'ldi. Belgiya esa ancha engil tin oldi. Buyog'iga jamoalar o'yinni ancha xotirjam tugatib qo'yishadi. Barcha masala amalda hal etildi. Qolgan daqiqalar rasmiyatchilik.
- Guruhdagi narigi o'yinda Angliya ham Belgiya kabi ishonchli o'ynay oladimi?
82. O'yin tempi ancha tushib ketdi.
85. Panama hech bo'lmasa birgina gol urish uchun o'ynamoqda. Ammo Belgiya himoyasi mustahkam turibdi.
89. Panama hujumchisi Torres jarima zarbasidan Kurtuani sinab ko'rdi. Lekin Tibo o'z o'rnida ishonchli turibdi.
90. O'yin tugadi. Belgiyadan yirik g'alaba!
 Belgium Dries Mertens - 47', Romelu Lukaku - 69', Romelu Lukaku - 75' | World Cup Grp. G . 1-tur 18/06/2018, 20:00 0 : 3 Tugadi |  Panama |
Stadion: Fisht Olympic Stadium, 43257 tomoshabin
Bosh hakam: Janny Sikazwe
Teglar: jch-2018, belgiya, mundialda, rossiyaning, natijasini, takrorlagan, jamoa, yirik, galaba!,
← OldingaOrqaga →
Bosh sahifaga
249