Lutfulla To'raev: "Malayziyada 3-4 yil qolmoqchiman"

Futbolchi "Futbol Ekspress" gazetasi muxbiri bilan suhbatda aynan nima uchun Malayziyaga ko'chib o'tishga qaror qilganini malum qildi.

- Keyingi faoliyatimni Malayziyada o'tkazishim haqidagi xabarlar rost. Bundan 10 kun oldin u erga borib "Felda Yunayted" jamoasi bilan tanishdim. Tibbiy ko'rikdan o'tganimdan keyin bir yillik shartnomaga imzo chekib qaytdim.

- Malayziya klubiga o'tishimning aytarli jiddiy sababi yo'q. Bilasiz, faoliyatimni "Mashal"da boshlaganman. Keyin "Nasaf"da, "Bunyodkor"da o'ynagandim. Oxiri "Lokomotiv" sharafini himoya qildim. Faoliyatim davomida O'zbekiston kubogi, Superkubogi va OFK kubogini yutdim. Keyingi yil 28 yoshga to'laman. SHu bois omadimni xorijda sinab ko'rishni xohladim. Hozircha "Felda Yunayted" bilan 1 yillik shartnoma tuzdim. Agar hamma ishlar yaxshi kechsa, Malayziyada yana 3-4 yil qolmoqchiman, - deydi Lutfulla To'raev.