"Bugun futbol akademiyamiz tarbiyalanuvchilari, yosh futbolchilarimiz bilan o'ynadik. Ular tahsinga sazovor o'yin namoyish etishdi. Qo'ldan kelgancha o'ynashdi, hattoki “Navbahor”dek jamoadan ustunlik ham qilishdi. SHaxsan o'zim bugun maydonga tushgan futbolchilarimizdan minnatdorman. Nega biz bugun bunday tarkib bilan maydonga tushdik? O'yin boshlanishiga ikki soat vaqt qolganida Associaciyadan qo'ng'iroq qilishib, to'rt nafar o'yinchimiz maydonga tushishga ruxsat yo'qligini aytishdi, albatta bu biz uchun kutilmagan hol bo'ldi. Bugungi o'yinga mo'ljallagan rejamiz ham, tarkibimiz ham o'yin boshlanishi oldidan o'zgarib ketdi. O'zlaringiz ko'rdilaringiz, ikkinchi bo'limni yana ikkita yo'qotish bilan boshladik, bu holat ham o'yinimizga salbiy tasir ko'rsatdi. Bugun asosan yosh futbolchilarimiz maydonga tushishdi, ular g'alabaga munosib o'ynashdi. Aniq aytaman, yosh tarkbimiz bugun g'alabaga loyiq edi. Bu yoshlarimiz o'zbek futbolining kelajagi. Bu futbolchilar kelgusida Vatanimiz shanini munosib himoya qilishadi. Biz O'zbekiston futboli uchun ishlayapmiz. Demak, bu yosh futbolchilarning kelajagi oldinda.
Aziz G'aniev bugungi uchrashuvda jarohat oldi, uning jarohati qanchalik jiddiyligini endi aniqlaymz. Umid qilamiz, uning jarohati jiddiy bo'lmaydi.
Biz shu futbolchilarimiz bilan ham muxlislarimiz uchun mazmunli va chiroyli o'yin ko'rsatishga harakat qilamiz. So'zim so'nggida bizga ishqibozlik qilayotgan barcha muxlislarga o'z minnatdorchiligimni bildirib qolaman", - deydi Ro'ziqul Berdiev.
"Nasaf"ning "Navbahor"ga qarshi o'yindagi boshlang'ich tarkibidan 10 nafar futbolchi klub akademiyasi tarbiyalanuvchilari bo'lishdi. Zaxiradan esa yana ikki nafar akademiya "qaldirg'ochlar"i maydonga tushishdi. Bu "Nasaf" tarixida ilk marotaba yuz bergani etiborga molik
Bosh sahifaga
109