Yoshlar ligasi 14-turidan o'rin olgan o'yin gollarga boy bo'lganini alohida etirof etish mumkin. “Milliy” stadionining zahira maydonida o'tkazilgan bellashuvda 6 ta gol darvozalardan o'rin oldi va bahsda 3:3 natijasini kuzatildi.
4 ta sariq kartochka tufayli Superliganing 14-turida maydonga tusha olmaydigan Filip Rayevac ushbu bahs boshida hisobni ochib berdi. Birinchi bo'lim yakuniga etish arafasida “Neftchi” vaziyatni o'ngladi. Elamon Karimov qanotdan jarima maydonchasida ochilayotgan Doston Rashidovni to'p bilan taminladi. Doston esa boshi bilan chiroyli tarzda hisobni tenglashtirdi. Jamoalar durang hisob bilan tanaffusga chiqib ketishdi.
Ikkinchi bo'limda yana “Bunyodkor” hisobda oldinga chiqib oldi. “Neftchi” jarima maydonchasida raqibga nisbatan qoida buzildi deb baholagan hakam mehmonlar darvozasiga penalti belgiladi. Futbol lotoreyasida Rayevac navbatdagini golini kiritdi. SHundan so'ng “Neftchi” murabbiylari bir qator o'zgarishlarni amalga oshirishdi va o'zgarishlar bahs suratini o'zgartirib yubordi. Bo'lim o'rtalariga kelib “Neftchi” yana hisobdagi ko'rinishni tenglikka olib keldi. Standart vaziyatda, havodan uzatib berilgan to'pni Jamshid Qobulov ishonch bilan raqib darvozasiga joylab qo'ydi. 2:2. Oradan ko'p o'tmay, Doston Rashidov yana bir bor “Neftchi”ni katta sahnaga olib chiqdi. 2:3. Bu vaqtga kelib ikkinchi bo'lim tobora yakunlanib borayotgan edi. Afsuski, yoshlar jamoamiz tayyor g'alabani qo'ldan boy berishdi va keyingi daqiqalarda Rayevac uchinchi bor ham himoyachilar xatosidan unumli foydalandi hamda mezbonlarni mag'lubiyatdan qutqarib qoldi.
Yoshlar ligasi. 14-tur.
“Bunyodkor” – “Neftchi” 3:3 (1:1)
Gollar: Rayevac – 1:0, Rashidov – 1:1, Rayevac – 2:1 (penalti), Qobulov – 2:2, Rashidov – 2:3, Rayevac – 3:3
“Bunyodkor”: Eldor Adxamov, Ixtiyor Xoldorov, Sanjar Qodirqulov, Ziyoviddin Axadov, Filip Rayevac, Abubakir Mo'ydinov, Oybek Xamidov, Abdulxon Ismoilov, Otabek Bekboev, Kamron Najafaliev, Mirjaxon Miraxmadov
Zaxira: Jasur Umrzaqov, Nozimxon Rustamov, Burxon Usmonov, Hasan Yuldashev, Mirjamol Suyunov, Xabibjon Karimov, Bobur Mirzo Eraliev
“Neftchi”: Farrux Turdaliev, Doston Rashidov, Islom Toshpo'latov, Ilhomjon Vahobov, Elamon Karimov, Ilhomjon Ibragimov, Jamshid Qobulov, Abdujalil Manazarov, Boburbek Isroilov, SHodiyor Xojimatov, Dostonbek Toshmatov
Zaxira: SHuhratillo Raxmonov, Dilyorbek Irmatov, SHaxzodbek Usmonov, Islombek Karimov, Rustam Solijonov, Xurshidbek Asqaraliev, Ibodjon Abelfazov
Bosh sahifaga
214