Ro'ziqul Berdiev: Natija uchun o'ynadik, bu biz uchun juda muhim edi. G'alaba bilan barcha muxlislarimizni tabriklayman. To'g'ri, tezkor o'yin bo'lmadi, ob-havoni ham ko'rib turibsizlar. Himoyada bexato harakat qildik va ko'proq vaziyatlarga ega bo'ldik. Tartibli va natija uchun harakat qilganimiz evaziga g'alaba qozondik. Tarkib jihatidan “Qo'qon-1912” jamoasi bizdan kuchliroq edi. Lekin kuchli ishtiyoq evaziga zafar quchdik, deb o'ylayman.
Biz besh o'yindirki, g'alaba qozona olmayotgan edik. Holatni futbolchilarimiz ham tushunib turishibdi. Hamma bizdan g'alaba kutayotgan edi. Yigitlarga rahmat, o'zlari ham bir-birlariga ruhan dalda bo'lishdi. Futbolchilarimizda ishtiyoq kuchli, lekin bazan sovuqqonlik etishmayapti. Ammo ishonamanki, mana shunday o'yinlar orqali albatta mahorat ham keladi. Harakatdan va intilishdan to'xtamasligimiz kerak. Keyingi o'yinga ham tayyorlikni bugun kiyinish xonasidan boshladik.
Amirjon Safarov haqida? Safarov ham sekin asta o'yinlarimizga kirishib borayapti, unga keyingi o'yinlarda ham ishonishda davom etamiz. Biz hamma o'yinchilarimizga ishonch bildiramiz. Yani, maydonga tushishga imkon beramiz. Safarovning bugungi o'yini yaxshi chiqdi. Bunga o'zlaringiz ham guvox bo'ldilaringiz.
Azizjon G'anievni maydonga tushirmayotganimizga asosiy sabab, uni jarohatini yangilab olishidan xavotirdamiz. U nafaqat jamoamizga balki terma jamoamizga ham kerak, oldimizda terma jamoamizni Osiyo o'yinlari kutib turibdi. Nasib etsa, G'anievning yordami hali bizga ko'p asqotadi.
Bosh sahifaga
270