Mavjud to'rt qarzdorlikning biri bartaraf etildi.
Qarshining "Nasaf" jamoasi himoyachi Igor Golban bilan xayrlashib, uning klubda qolib ketayotgan qarzlari 31 iyul sanasiga qadar to'liq to'lanishi haqida kafolat xati bergandi. Bugun — 27 iyul sanasida Igor Golban PFLga rasmiy bildirgi bilan murojaat etib, uning pullari to'liq berilganini qayd etdi. O'z navbatida "Nasaf" klubi ham Golbanning hisob raqamiga o'tkazilgan summa cheklarini taqdim qildi.
SHu tariqa yozda jamoasi bilan xayrlashgan, biroq pullarini to'liq olmagan uch futbolchi qoldi: Jahongir Aliev ("Nasaf"), Bahodir Pardaev va Igor Taran ("Qo'qon-1912").
PFL 2019 yilgi mavsum moliyaviy muammolarsiz boshlanishi uchun harakatni davom ettiradi. Mavjud vaziyatni to'g'ri tushunib, eski muammolarga echib topib kelayotgan klublarga tashkilot o'z minnatdorchiligini bildiradi.
Bosh sahifaga
164