Bugun 1997 yilda tug'ilgan futbolchilardan tashkil topgan O'zbekiston olimpiya terma jamoasi Vetnamda tashkil etilayotgan xalqaro musobaqaga jo'nab ketmoqda. Bu haqda O'FA matbuot xizmati xabar berdi.
Ravshan Xaydarov boshchiligidagi olimpiya terma jamoasi Indoneziyada bo'ladigan Osiyo o'yinlarida ishtirok etishi sababli Vetnamdagi musobaqaga terma jamoamizni katta murabbiy Sunnatilla Abdurasulov olib boradi. 2020 yilda Tokioda o'tkaziladigan Olimpiada o'yinlarining saralash bosqichida ishtirok etadigan jamoaga ushbu ikki terma jamoadan nomzodlar tanlab olinadi.
30-31 iyul kunlari Toshkent shahrida yig'in o'tkazgan terma jamoamizga Vetnam shahridagi xalqaro musobaqada Vetnam, Ummon va Falastin olimpiya terma jamoalari raqiblik qilishadi. Musobaqa 3 avgustdan 8 avgustgacha davom etib, unda jamoamiz 3ta o'yinda maydonga tushadi. Musobaqa taqvimiga ko'ra terma jamoamiz o'tkazadigan o'yinlar jadvali:
3 avgust
Soat 14:30 O'zbekiston – Ummon
5 avgust
Soat 14:30 O'zbekiston – Falastin
7 avgust
Soat 17:30 Vetnam – O'zbekiston
Izoh: Uchrashuvlar boshlanishi Toshkent vaqti bilan ko'rsatilgan.
Vetnamga yo'l olayotgan Olimpiya terma jamoamiz tarkibi quyidagicha:
Darvozabonlar:
Hamroev Dilshod, “Navbahor”
Karimov Sarvar, “Qo'kon-1912”
Himoyachilar:
Alijonov Ilhom, “Nasaf”
Abdullaev Ibrohim, “Surxon”
Ismoilov Ergash, “Buxoro”
Hoshimov Doniyor, “Metallurg”
Nasrullaev SHerzod, “Nasaf”
Rustamov Oybek, “Qo'kon-1912”
Yarim himoyachilar:
Ismoilov Abrorbek, “Neftchi”
Qodirqulov Sanjar, “Bunyodkor”
Azimov Sardor, “So'g'diyona”
Nurulloev Suhrob, “Metallurg”
Ahmadov Jahongir, “Paxtakor”
To'xtasinov Nurillo, “So'g'diyona”
Ikromov Farruh, “Bunyodkor”
Abdullaev Abdulla, “Bunyodkor”
Yo'ldoshev Ibrohim, “Metallurg”
Amonov Azizbek, “Lokomotiv”
Hujumchilar:
Xolto'raev Jasur, “SHo'rtan”
To'raev Akobir, “Buxoro”
Bosh sahifaga
145