“Nurafshon” jamoasi maydonida o'tgan uchrashuvning dastlabki bo'limi ham har qancha hujumkor o'tmasin, tanaffusgacha hisob ochilmadi. Ikkinchi bo'limda esa zaxiradan maydonga tushgan Sanjar Baratov 53-daqiqada hisobni ochishga erishdi, 0:1.
Goldan ruhlangan “dinamochilar” hujumkorlikni tushirishmadi va 69-daqiqada Jasur Azimov jarima maydoniga yorib kirib, raqib darvozabonini dog'da qoldirdi, 0:2.
Oradan besh daqiqa o'tar-o'tmas natija yirik ko'rinish oldi. Bu safar Otabek Narzullaev hujumga o'tib, ajoyib goli evaziga hisobni 0:3 ko'rinishiga keltirdi.
SHu kuni “Nurafshon” safida sobiq “dinamochilar” Farrux SHotursunov va Ruslan Vagapovlar ham maydonga tushishdi.
“Dinamo” yana uch kun davomida Toshkentda so'nggi tayyorgarliklarni o'tkazib, 4 avgust kuni Haqqulobodda “Norin” jamoasiga qarshi Pro-Liga tur bahsida maydonga tushadi.
O'rtoqlik uchrashuvi. Toshkent
31 iyul (seshanba)
«NURAFSHON» - «DINAMO» - 0:3
Gollar: Sanjar Baratov 53, Jasur Azimov 69, Otabek Narzullaev 73.
«Dinamo»: SHohruh Eshbo'taev, Akmal Xolmurodov, Viktor Grigorev, Avaz Agaliev, Otabek Narzullaev, Jasur Azimov, Damir Temirov, Ilhom Yunusov, Suhrob Izzatov, Abbos Jumaqulov, Pavel Purishkin.
Zaxiradan maydonga tushganlar: SHohruh Raimov, Komil SHarofutdinov, Firdavs Abdusalimov, SHerzod Jalilov, Hakimxon Alamxonov, Daler Almosjonov, Sanjar Baratov.
O'rtoqlik uchrashuvi. "Nurafshon" - "Dinamo" 0:3
/ Kiritdi: BestMaster O'qilgan: 147
Bosh sahifaga
234