Etiboringizga ushbu futbolchi bilan suhbatni taqdim etamiz.
- Kim, avvalo O'zbekistonga xush kelibsiz. “So'g'diyona” ni tanlashingizga nima sabab bo'ldi?
- Katta rahmat. O'zbekistonda kelganimdan xursandaman.”So'g'diyona”ning kelajagi bor deb ishonaman. Taklif bilan chiqishganida men xech ikkilanmay rozi bo'ldim. Faoliyatimni yangi sahifadan boshlashga qaror qildim. Bu er menga yoqdi. Insonlari samimiy. Jamoam ham, ichki muhit ham alo darajada.
- O'zbek futboli haqida avval eshitgan edingizmi? Nima deb o'ylaysiz, Koreya futboli bilan qanday farqi bor?
- Koreyada o'zbek futboli haqida malumot topish va ular bilan aloqa o'rnatish qiyin edi. Asosan sobiq jamoadoshim Server Jeparov orqali bilar edim. “Lokomotiv” tarkibida faoliyat olib borgan do'stim CHo Suk Jee orqali biroz malumotga egaman. O'zbek futbolida intizom juda qattiq bo'lib, o'yinlar xuddi jang maydonlariga uxshaydi. Koreya futboli ham deyarli shunday. Ammo bu erda futbol ancha shiddatliroq.
- Kim, jamoadoshlaringiz va jamoadagi shart sharoitlar sizni qoniqtirayaptimi?
- Bu klub ko'nglimga yoqdi. Hali O'zbekiston sharoitiga to'liqligicha moslasha olganim yo'q. Til va madaniyatimizda farq borligi uchun biroz qiynalayapman. Tezroq moslashib jamoamga foydam tegishini istayman. Yashash shart sharoitlarim yaxshi. Jizzax axolisi juda mehribon.
- Bugun Jizzaxda O'zbekistonning etakchi jamoalaridan bir “Nasaf”ni qabul qilasizlar. Bo'lajak o'yin oldidan qanday fikrdasiz?
- Rostini aytsam, men o'zbek klublari haqida u darajada ko'p malumotga ega emasman. Ayni kunlarda jamoalar va ularning o'yin uslubi haqida ko'proq malumot olishga harakat qilayapman. Biz bo'lajak bahsga yaxshi tayyorgarlik ko'rdik va g'oliblik uchun maydonga chiqamiz. Mezbon sifatida albatta muxlislarga g'alaba taqdim etishni istaymiz.
- Qisqa vaqt ichida jizzaxlik muxlislar yoqimtoyi bo'lib qoldingiz. Muxlislar haqida qanday fikrdasiz va ularga tilaklaringiz.
- Katta etibor va qiziqishingiz uchun minnatdorchilik bildiraman. Muxlislarning qo'llab-quvvatlashi bizga yanada kuch beradi. O'yinlarda g'alaba qozonish uchun barcha kuch va mehnatimizni ishga solamiz. Stadionga ko'plab muxlislar kelib bizni qo'llab-quvvatlaydi deb umid qilaman va oldindan o'z minnatdorchiligimni izhor etaman.
“So'g'diyona” PFK matbuot xizmati
Bosh sahifaga
189