"Neftchi": Futbolchilar Qirgulida yig'ilishmoqda
/ Kiritdi: BestMaster O'qilgan: 955
Rejaga ko'ra, kunning ikkinchi qismida asosiy tarkib futbolchilari qarorgohga yig'ilishadi va Anrdey Fyodorov boshchiligida mashg'ulotlarni boshlashadi.
Bosh murabbiy bugun tong sahar Farg'onaga Moskvadan etib kelgan.
Tarkibdagi o'zgarishlar muxlislarni qiziqtirishi tabiiy. O'tgan mavsum jamoamiz sharafini himoya qilgan hujumchi Ro'zimboy Ahmedov faoliyatini Tailand chempionatida davom ettirishga qaror qildi. Malumotlarga ko'ra, Ahmedov bugun xorijga yo'l oladi. Tajribali futbolchi Akmal Xolmatov ham katta ehtimol bilan yangi mavsumni boshqa jamoada boshlashi mumkin. "Neftchi" PFK ushbu futbolchilarga keyingi faoliyatlarida omad tilaydi.
Ayni paytda "Neftchi" PFK qarorgohida ish qizg'in. Klub rahbariyati va murabbiylar shtabi futbolchilar bilan yangi shartnomalar hamda selekciya jarayoni borasida ish olib borishmoqda. Hozircha yangi nomlar borasida aniq bir malumot bera olmaymiz. Lekin yangi xaridlar ustida muzokaralar ketmoqda.
"Neftchi" PFK matbuot xizmati.
Bosh sahifaga
158