O'zbekiston OTJning guruhdagi raqiblarining o'yinlari haqida

Dubay shahrida bo'lib o'tgan mazkur uchrashuvda Janubiy Koreya U-23 terma jamoasi Li Yon Jae hamda Kvan Xi CHan tomonidan kiritilgan gollar evaziga BAA olimpiya terma jamoasini mag'lubiyatga uchratishdi. Malumot uchun har ikkala terma jamoa ham U-23 yoshlar o'rtasidagi Osiyo chempionati bahslariga tayyorgarlik ko'rmoqda.

O'zbekiston olimpiya terma jamoasining Osiyo chempionati guruh bosqichidagi yana bir raqibi – Yaman U-23 terma jamoasi ham bugun o'rtoqlik uchrashuvida maydonga tushdi. Yaman olimpiya terma jamoasi turnir bugun Vetnam olimpiya terma jamoasiga qarshi o'ynadi va 1:0 hisobida g'alaba qozondi.

Takidlash joiz, guruh bosqichidagi yana bir raqib – Iroq olimpiya terma jamoasi 2 yanvar kuni KXDR olimpiya terma jamoasiga qarshi o'rtoqlik uchrashuvida maydonga tushgan va 3:1 hisobida g'alaba qozongan edi.

Eslatib o'tamiz, O'zbekiston U-23 terma jamoasi Osiyo chempionati guruh bosqichini 13 yanvar kuni Janubiy Koreya U-23 terma jamoasiga qarshi o'yin bilan boshlaydi. Guruh bosqichi 2-turida O'zbekiston U-23 terma jamoasi 16 yanvar kuni Iroq olimpiya terma jamoasiga qarshi maydonga tushsa, 19 yanvar kuni Yaman terma jamoasiga qarshi o'ynaydi.