"ChaCha" savdo belgisi ostida bo'lib o'tayotgan musobaqaning final bahsida "Odil Junior" "Spartak" jamoasiga qarshi bahs olib boradi. O'yin 18:00da boshlanadi.
Kecha bo'lib o'tgan yarim final uchrashuvida "Odil Junior" "Bunyodkor"ga qarshi maydonga tushib, 2:1 hisobida zafar quchdi. "Spartak" esa "Kosonsoy"ni 1:0 hisobida mag'lub etdi. Natijada har ikkala yarim final o'yinida mag'lub bo'lgan jamoalar bugun 3-o'rin uchun uchrashuvda o'zaro kuch sinashishdi. "Bunyodkor" va "Kosonsoy" futbolchilari o'rtasida kechgan bahsda yosh "qaldirg'ochlar" 2:1 hisobida g'alaba qozonishdi.
Musobaqa reglamentiga ko'ra, 3-o'rin uchun kechgan bahsdan so'ng taqdirlash marosimi o'tkazildi. Bunda har ikkala jamoa futbolchilariga bir xil medallar va kubok topshirildi. Taqdirlash marosimida "Odil Junior" bolalar futbol maktabi taklifiga binoan Toshkentga tashrif buyurgan Italiyaning "Karpi" futbol klubi qoshidagi bolalar akademiyasi murabbiylari - Yakopo Kiaramoni bilan Adriano CHesarini ham ishtirok etishdi.
Aytib o'tganimizdek, bugun kechki payt 2007 yilda tug'ilgan futbolchilar o'rtasidagi musobaqaning hal qiluvchi final bahsi o'tkaziladi. O'yindan keyin odatga ko'ra jamoalarni tantanali taqdirlash marosimi bo'lib o'tadi.
"ChaCha Mustaqillik kubogi"-2018. 2007 yilda tug'ilganlar
1/2 final. 17 avgust
"Spartak"-"Kosonsoy" 1:0
"Odil Junior" -"Bunyodkor" 2:1
3-o'rin uchun bahs. 18 avgust
"Bunyodkor" - "Kosonsoy" 2:1
Final. 18 avgust
"Odil Junior" - "Spartak"
Bosh sahifaga
287