Kecha o'tkazilgan hal qiluvchi final uchrashuvida "Odil Junior" o'z raqibi "Spartak"ni 4:1 hisobida mag'lub etib, 2007 yilda tug'ilgan futbolchilar o'rtasida "ChaCha Mustaqillik kubogi-2018" g'olibi bo'ldi.
O'yinda "Spartak" futbolchilari hisobni ochishdi va birinchi taym 1:0 hisobida "Spartak" foydasiga hal bo'ldi. Tanaffusdan keyin esa "Odil Junior" tarbiyalanuvchilari raqib darvozasiga to'rtta gol urishga erishishdi. SHunday qilib "Odil Junior" ushbu musobaqa g'olibiga aylandi.
O'yin yakuniga etgach, g'olib va sovrindorlarni taqdirlash marosimi o'tkazildi. Bunda kubok va medallardan tashqari musobaqa homiylari "ChaCha" va "Tudor" savdo belgilari ham o'z sovg'alarini bolajonlarga topshirishdi.
Bugun kechki payt mazkur musobaqaning 2006 yilda tug'ilgan futbolchilar uchun final bahsi bo'lib o'tadi. Bunda "Odil Junior" futbolchilari "Paxtakor" tarbiyalanuvchilariga qarshi bahs olib boradi.
Bosh sahifaga
210