18 yoshdan 30 yoshgacha bo'lgan mahalliy futbolchilardan tuzilgan jamoalar 1 avgustdan boshlab “Viloyat hokimi Kubogi”da ishtirokini boshladilar. Jamoalar birinchi bosqichni o'z sektorlarida o'tkazib, ikkinchi bosqich tuman birinchiligiga yo'l oladi. O'z tumanida g'olib bo'lgan jamoalar viloyat bosqichida to'p suradi.
Paxtabod tumanidagi 67 mahallalardan tuzilgan jamoalar 17 kun davomida bellashib, tumani bosqichining finaliga “Gulobod” va “Muazzimboy” mahalla jamoalari yo'l oldi.
Tuman markazidagi o'yingohda o'tkazilgan bahs paxtaobodliklar uchun ommaviy sayil darajasida namunali tashkil etilganiga alohida to'xtalib o'tish lozim.
Ko'p sonli tomoshabinlar tashrif buyurgan uchrashuv, muxlislar kutganidek juda qiziqarli o'tdi. O'yinning asosiy vaqti 2:2 hisobida yakunlanib, penaltilar seriyasida “Gulobod” mahallasi futbolchilarining qo'li balan keldi. Endi ular musobaqaning viloyat bosqichida ishtirok etadi.
Tuman miqyosida g'olib va sovrindor bo'lgan mahalla futbolchilari va murabbiylariga tuman hokimi Mahmudjon Bozorov, viloyat futbol associaciyasi birinchi vice-prezidenti Bekzodbek Karimov, viloyat jismoniy tarbiya va sport boshqarmasi boshlig'i O'tkirbek Toshpo'latovlar samimiy tilaklarini bildirib, tashkilotchilar nomidan diplom va esdalik sovg'alari topshirishdi.
“Jami 878 ta mahalla jamoalari ishtirok etayotgan musobaqaning 17 kun davomida o'tkazilayotgan musobaqaning tuman bosqichi final o'yinlariga etib keldik. Endi barcha tuman g'oliblarini masuliyatli bahslar kutib turibdi. Elon qilinganidek, viloyatda birinchi o'rinni olgan jamoaning mahallasi xududiga zamonaviy mini-stadion qurib beriladi. Sovrindor jamoalarga esa katta summadagi sport jihozlari topshiriladi”,-deydi viloyat futbol associaciyasi birinchi vice-prezidenti Bekzodbek Karimov.
Musobaqaning final o'yini “Sog'lom avlod” stadionida bo'lib o'tadi.
Elmurod Ermatov, Andijon
Bosh sahifaga
251