"Navbahor" bosh murabbiyi Ilhom Mo'minjonovdan "Paxtakor"ga qarshi o'yin va Namangandagi maydon holati bo'yicha fikrlarini so'radik.
- "Ikkinchi bosqichni grand jamoalardan biri "Paxtakor" bilan boshlaymiz. Raqib haqida nima deyish mumkin? Hozirgi kunda "Paxtakor" top darajadagi jamoa sanaladi. SHunga monand jamoaga top darajadagi futbolchilar yig'ilgan. Aslida "Navbahor" har bir bahsga jiddiy tayyorgarlik ko'radi. Ammo "Paxtakor" deganda ko'z oldimizda etakchi jamoa gavdalanadi. SHu boisdan ham bu to'qnashuvga o'zgacha kayfiyatda va astoydil tayyorgarlik ko'ramiz. CHempion bo'lishni xohlasak, unda "Paxtakor" kabi jamoani mag'lub etish lozim! Gap bitta!".
- "Bilmadim nimaga, hozirgi kunda ko'plab murabbiylar aynan maydon holatini tanqid qilishmoqda. Namangandagi maydon holati yaxshi, ja yomon ahvolda bo'lmagan. Yaqin 5-6 yil avval Namangandan g'alaba bilan qaytgan murabbiylar maydon holati haqida lom-lim deyishmagan. Mag'lubiyatga uchragach maydonimizga yopishib olishmoqda. O'ylashimcha, talabga javob bermaydigan boshqa maydonlar ham etarli. Mutaxassislar boshqa maydonlarni ham ko'rib chiqishsin. Hozirgi kunda Namangandagi maydon talabga javob beradi. Aks holda PFL bu maydonda o'ynashga ruxsat bermasdi. Maydonimiz holati "Navbahor"ga ustunlik beradi, degan fikrga qo'shilmayman. Stadionimizdagi yagona ustunligimiz - xalq, muxlislarimiz", - dedi Ilhom Mo'minjonov.
SHahboz Beg'amov suhbatlashdi.
Bosh sahifaga
196