- "Kecha terma jamoamiz yangi bosh murabbiyi Ektor Kuperning birinchi o'yini bo'ldi. Men ham murabbiy sifatida kechagi bellashuvdan o'zim uchun yangilik oldim. SHuningdek, bazi futbolchilarning harakatlari ham maqul keldi. Masalan, Sardor Rashidov boshqalarga nisbatan birmuncha ajralib turdi. Aksar xavfli vaziyatlar aynan u orqali yuzaga keltirildi. Sardorning o'zi ham gol urishi mumkin edi".
- "Ivan Nagaevni qulay vaziyatga chiqargan ham Rashidov bo'ldi. Futbolchilarimiz bu o'yinda standart vaziyatlarni yaxshi bajarishdi. Gol ham penaltidan kiritildi. Himoyada Anzur Ismoilov yaxshi harakat qildi. Darvozabon Ignatiy Nesterov esa alohida maqtovga loyiq. Agar u bo'lmaganida yutqazib qo'yishimiz ham mumkin edi".
- "Lekin kecha jamoaviy o'yin yaxshi chiqmadi. Bu endi vaqtga bog'liq masala. SHu o'rinda Kuperni ham to'g'ri tushunish kerak. Uning qo'lidagi ro'yxatda 40ga yaqin futbolchi bor va u hammani sinab ko'rishni xohlayapti. Albatta, Odil Ahmedov, Vitaliy Denisov kabi o'yinchilar sinovga muhtoj emas, lekin boshqalarni sinab ko'rish kerak".
- "Menga jamoaviy o'yin tomonlama Suriya termasi yaxshiroq ko'rindi. Albatta, muxlislarni ham to'g'ri tushunamiz. Ular Kuperning debyut o'yinidan g'alaba kutishgandi, ammo shu o'rinda biroz kutishga to'g'ri keladi. Hozircha yangi murabbiyga vaqt kerak. U o'zbek funbolini endi ichkaridan o'rganyapti. Menimcha, Kuper Eron bilan bahsgacha bu o'yinni chuqur tahlil qiladi va keyingi bellashuvda yanada kuchli tarkibni tushiradi".
X.Xoliqov yozib oldi.
Bosh sahifaga
133