“Lacio” yarim himoyachisi Sergey Milinkovich-Savich jamoa bilan 2023 yil yozigacha mo'ljallangan yangi shartnoma imzolaydigan bo'ldi. 23 yoshli futbolchining maoshi esa yiliga 3,2 mln evroni tashkil etadi. Uning tovon puli avvalgidek 100 mln evro sifatida qoladi. Avvalroq rimliklar tovon puli miqdorini 150 mln evroga ko'tarmoqchi ekanligi xabar qilingandi. Yozgi transferlar vaqtida Sergeyga “Milan”, “Real”, “Manchester Yunayted”, PSJ, “Yuventus” va “CHelsi” kabi klublar “og'iz solib ko'rdi”. Milinkovich-Savich “Lacio” safida 2015 yildan beri to'p tepib kelmoqda. O'tgan mavsumda u A seriyaning 35 ta uchrashuvida qatnashib, 12 ta gol urdi va 3 ta golli uzatmaga mualliflik qildi.
Tavsiya qilamiz:
Fikr bildirish
Bosh sahifaga
168