Bunga misol tariqasida “Markaziy” o'yingohga yaqin hududda klub atributikalari bilan savdo qiluvchi maxsus do'konning ochilganligi, “Navbahor” o'z uy uchrashuvlarini o'tkazadigan kunlari stadion hududida turli egulik va salqin ichimliklar savdosining tashkil etilganligi, maxsus akciya tashkil etilib, ishqibozlarning xarid qilgan chiptalariga “Navbahor” ramzi tushirilgan futbolkalar, to'plar, soyabonlar, shlyapalar yutib olishgani va hokazolarni qo'shish mumkin.
“Navbahor” PFK rahbariyati Superliga 24-tur doirasidagi “Navbahor” – “Metallurg” jamoalari o'rtasidagi uchrashuv arafasida yana bir xayrli ishga qo'l urdi. 23 sentyabr kuni o'tkaziladigan mazkur o'yinga sevimli jamoamizning bahsini bevosita o'yingohda tomosha qilishni ixtiyor etgan ayollar uchun alohida bepul sektor ajratiladigan bo'ldi.
“Navbahor” muxlisalari endi bemalol 15-sektordan joy olib, “lochinlar”ni barchalari birgalikda qo'llab-quvvatlashlari mumkin.
“Navbahor” – “Metallurg” o'yini 23 sentyabr kuni “Markaziy” o'yingohda soat 20:00 da start oladi.
Bo'lajak bahsda bevosita stadionda sevimli jamoamizni qo'llab-quvvatlang va g'alabasiga madadkor bo'ling, aziz muxlisalar!
“Navbahor” PFK matbuot xizmati.
"Navbahor": Ayollar uchun bepul sektor
/ Kiritdi: BestMaster O'qilgan: 179
Bosh sahifaga
262