Samara shahrida "Krilya Sovetov" "Krasnodar" klubini qabul qiladi. Quyida mazkur o'yin prevyusini o'qish mumkin.
KRILYA SOVETOV - KRASNODAR
24 sentyabr. Samara. "Samara Arena" stadioni. 20:30 (Toshkent vaqti).
Bosh hakam - Aleksey Matyunin (Moskva).
Translyaciya - "MATCH Premer".
"Krilya Sovetov" 7ta turda 7 ochko oldi va musobaqa jadvalining 12-pog'onasida bormoqda. Andrey Tixonov boshchiligidagi jamoa mavsum boshidan buyon atiga 2ta gol urdi.
O'tgan turda samaraliklar "Arsenal" mehmoni bo'lib 0:4 hisobida yutqazib qo'yishgandi. "Krilya Sovetov" o'z uyida, muxlislari qarshisida "Krasnodar"ni mag'lub etishga urinadi.
Joze Nadson va Oleg Lanin jarohatidan qutulib, umumiy guruhga qaytishdi. Mazkur bahsda o'zbekistonlik Vitaliy Denisov doimgidek asosiy tarkibda maydonga tushishi kutilmoqda.
"Krasnodar" o'tgan turda "Anji"ni 4:0 hisobida tor-mor etdi. Vanderson, Viktor Klasson, Pavel Mamaev va Ivan Ignatev gol urishgandi. Payshanba kuni jamoa Evropa ligasi doirasida Murad Musaev shogirdlari Turkiyada "Akxisar"ni mag'lub etib qaytishdi (1:0). Viktor Klasson ketma-ket ikkinchi o'yinda gol urdi. SHu tariqa, "Krasnodar" o'zining g'alabali seriyasini davom ettirishga urinadi.
O'zaro o'yinlardagi statistika:
"Krilya Sovetov" g'alabsi - 4
Durang - 6
"Krasnodar" - 2
To'plar nisbati - 14:14
So'nggi bor ushbu klublar 2016 yilda to'qnash kelishgan. O'shanda premer-liga ikkala bahs ham 1:1 hisobi bilan tugagandi.
Taxminiy tarkiblar:
"Krilya Sovetov" - 5-4-1: Konyuxov, CHicherin, Samardjich, Burlak, Poluyaxtov, Vitaliy Denisov, Anton, Bashkirov, Kanunnikov, Mollo, Sobolev.
"Krasnodar" - 4-3-3: Sinicin, Petrov, Martynovich, Spaich, Ramires, Gazinskiy, Kabore, Mamaev, Vanderson, Klasson, Ari.
 Krylya Sovetov Samara | Premier League . 8-tur 24/09/2018, 20:30 - : - Boshlanmadi |  FC Krasnodar |
Stadion: Cosmos Arena
Bosh sahifaga
158