- Bugun murakkab o'yin bo'ldi. Qo'qon-1912 hurmatga loyiq jamoa. Afsuski, ularning omadi kelmayapti. Qo'qonlik muxlislar talabchan. Ular har doim hujumkor o'yin tarafdori bo'lib kelishgan. Bugun jamoam g'alaba qozongan bo'lsa ham xursandchilikdan sakramadim, sababi o'zim Qo'qonlikman. “Qo'qon-1912” jamoasiga keyingi uchrashuvlarda omad tilab qolaman. Qo'qonlik muxlislar meni doim qo'llab-quvvatlab turishadi. Ulardan minnatdorman. Men futbolchi va murabbiy bo'lib shakllanishimda Qo'qon futbolining o'rni beqiyos. SHu uchun o'zimni Qo'qonlik muxlislardan qarzdor deb hisoblayman.
O'yin borasida gapiradigan bo'lsam, o'ylagan rejalarimiz amalga oshdi. Ikkinchi bo'limda raqibimiz yaxshi o'ynadi. Biz esa qarshi hujumda gol urib g'alabani ilib ketdik.
Bugungi o'yin ko'rsatdiki, bizda barcha futbolchilar bir xil saviyada o'ynaydi. Asosiy tarkibdagi o'zgarishlar kubokdagi o'yin bilan ham bog'liq. “Bunyodkor”ga qarshi kechgan bahsda katta kuch yo'qotgandik. SHuning uchun zaxira o'yinchilariga ham imkoniyat berdim. Ular ishonchimni oqlashdi.
Bosh sahifaga
256