“Bu kabi xabarlar qaerdan chiqayapi hayronman. Ammo ayni paytda jamoada ajoyib kayfiyat hukmron. Albatta, maydonga tushmayotgan futbolchilar bundan norozi bo'lishlari tabiiy. Biz ham g'alaba qozonmasak, xursand bo'lmaymiz. Biroq bu ish jarayonida bo'ladigan holat.
Xames Rodriges hammasini boricha qabul qilishi kerak. Jamoamizda top-futbolchilar ko'p. SHu bois kimdir doim zaxirada qolib ketishi tabiiy. Xames biz uchun muhim futbolchi. Ammo men uni 12 futbolchi sifatida maydonga tushira olmayman. Boshqalar qancha o'yin amaliyotiga ega bo'lsa, u ham shuncha vaqt maydonga tushadi.
Har uch kunda maydonga tushayotganimiz bois tarkibni muvaffaqiyatli tarzda rotaciya qilishga majburmiz.
SHuningdek, men kam mashg'ulotlar o'tkazayotganligimiz haqida o'qidim. Bunisi endi kulguli. Biz haftada uch kuni o'yin o'tkazsak, albatta, mashg'ulotlar qisqaror bo'lishi lozim.
“Bavariya”da hech qanday inqiroz kuzatilayotgani yo'q. Biz shunchaki hozir qiyin vaziyatdamiz, hammasi biz o'ylagandek amalga oshayotgani yo'q. Bunaqa holat har bir jamoa bilan yuz beradi”, deya murabbiyning so'zlaridan iqtibos keltirmoqda Kicker.
Bosh sahifaga
279