Turning dastlabki o'yini Luka Yovich benefisiga aylanib ketdi. Serbiyalik futbolchining penta-triki va Sebastyan Xallerning dubliga "Fortuna Dyusseldorf" birgina to'p bilan javob qaytardi. Natijada "Ayntraxt" o'ta yirik hisobda g'alaba nashidasini surdi.
Mazkur turda nihoyat inqiroz ko'chasiga kirib qolgan "Bavariya" g'alabasiz seriyasiga barham berdi. "Volfsburg" mehmoni bo'lgan Niko Kovach jamoasi ishonchli tarzda g'alabani tantana qildi. Levandovskining dubli va Xames Rodrigezning goliga mezbonlar birgina to'p bilan javob qaytarishdi.
CHempionat peshqadami Dortmundning "Borussiya" jamoasini to'xtatib bo'lmayapti. "SHtutgart" mehmoni bo'lgan Lyusen Favr boshqaruvidagi "Borussiya" mezbonlarning javobsiz to'rtta gol bilan siyladi. To'purarlik qobiliyatini namoyon etayotgan ispaniyalik hujumchi Pako Alkaser esa yana bir bor raqiblar darvozasini ishg'ol etdi.
"SHalke" esa o'z uyida mavsumni ko'tarinki ruhda o'tkazayotgan "Verder"ni qabul qildi va raqib oldida chorasiz qoldi.
Gollarga boy o'tgan Leverkuzendagi bahsda "Gannover" "Bayer" bilan durang qayd etdi - 2:2.
Myonxengladbaxning "Borussiya" jamoasi esa o'z uyida "Maync"ni mehmon qildi va yirik hisobda g'alaba qozondi. Natijada Myonxengladbaxning "Borussiya" jamoasi turnir jadvalida ikkinchi pog'onaga ko'tarilib oldi.
Tur qahramonlari - Yovich, Sancho va Levandovski
Tur o'yinlari
Turnir jadvali
To'purarlar
Assistentlar
Bosh sahifaga
221