Kecha saytimizda Toshkent futboli tarbiyalanuvchisi: Yana bir bor onamni yo'qotishni istamayman, yordam! nomli xabar chiqqan edi.
Unda quyidagi jumlalar yozilgan edi:
Poytaxt chempionatida to'p tepayotgan bir bolakayning otasi dardli mavzu bo'yicha murojaat qildi.
O'g'lim yoshligidayoq onasini yo'qotdi, birinchi ayolim saraton kasalligi bilan bu dunyoni tark etdi. Taqdirning sinovini qarang, hozirgi onasi ham buyrak qurishi kasalligi bilan og'riyapti va tezroq "operaciya" qildirmasak shifokorlar oz vaqt qolganini aytishyapti. SHuning uchun ming xijolat bilan oldingizga keldim. O'g'lim yana bir bor onasini yo'qota olmaydi.
"Lokomotiv" klubi ushbu xabarga darhol munosabat bildirdi:
Har bir insonga yordam qo'lini cho'zish, ham ruhan, ham moddiy jihatdan dalda bo'lish biz o'zbeklarga xos. Tafakkurimiz, qalbimiz tubida kichik bir bir narsa uzilgandek bo'ladi bunday xabarlarni o'qiganimizda.
“Lokomotiv” Professional futbol klubi bu bolajonning ko'nglini olish, oilasiga yordam berish maqsadida championat.asia sayti tashabbusi bilan o'zbek futboli jamoatchiligi maxsus akciyasida ishtirok etadi.
Jamoa ishtirokida 31 oktyabr kuni Superliga 28 turi doirasida “Lokomotiv” stadionida o'tadigan Bekobodning “Metallurg” jamoasiga qarshi uchrashuv chiptalari sotuvidan tushgan mablag' bu Bolajonga yordam sifatida taqdim etiladi.
Barcha futbol muxlislarini "Lokomotiv" stadionida kutib qolamiz. Barchamiz birgalikda Bolajonga yordam beramiz!
CHiptalar stadion kassalarida sotilmoqda. CHiptalar uch toifada bo'lib 3, 5 va 15 ming so'mdan. O'yin soat 18:00da "Lokomotiv" stadionida boshlanadi.
#BizSenBilanBolajon
#BizSenBilanBolajon
Bosh sahifaga
246