​Valverde Messining jarohati haqida: "Mashg'ulotlarni kutish va o'zini qanday his etayotganini ko'rish kerak"

"O'ylaymanki, "Inter" tajovuzkor bosim uyushtiradi. CHunki ular o'z uyida, muhlislari qarshisida to'p surishadi. Uchrashuvni kuchli o'tkazishadi va  yuqori bosim, ustunlik qilish orqali ko'plab o'yinlarda g'alaba qozonib kelishmoqda. Bu jihat "neradzurrilar" uchun ushbu mavsumda muvaffaqiyat kaliti hisoblanadi".

"Og'ir bahs bo'lishini taxmin qilish qiyin emas. "Inter" hozir ajofib formada. Messi? Uning mashg'ulotlarini kutishimiz kerak. Leoda hammasi joyida ekanligini bilishimiz, o'zini qanday his etayotganligini ko'rishimiz lozim. Raqib jamoa tarkibida Ikardi va Nainggolanni to'xtatib qolish uchun barcha choralarni qo'llaymiz", - deya Valverdening so'zlarini keltirdi UEFA rasmiy sayti.