"Avvalo shuni aytishim mumkinki, men O'zbekistonni juda hurmat qilaman. Ertangi o'yinga keladigan bo'lsak, tarkibda yo'qotishlar mavjud. Livan terma jamoasining 3-4 nafar futbolchilarida jarohat borligi sabab ularning xizmatidan foydalana olmayman. SHunday bo'lsada, bo'lajak uchrashuv juda qiziqarli o'tishini kutmoqdaman. Mazkur bahs biz va raqib uchun foydali o'yinga aylanadi.
Livan va O'zbekiston chempionatlarini taqqoslamagan bo'lardim. CHunki Livanda yarim professional jamoalar ko'p. Infrastruktura borasida ham O'zbekiston ancha ildam", - dedi Livan bosh murabbiyi Miodrag Radulovich.
O'zbekiston terma jamoasining o'rtoqlik uchrashuvidagi raqibi Livan bosh murabbiyi Miodrag Radulovich so'rovimizga labbay deya javob qaytardi va o'yin oldidan o'z fikrlari bilan o'rtoqlashdi.
Ammo O'zbekiston terma jamoasi bosh murabbiyi Ektor Kuper yig'in va o'yin oldidan matbuotga hech qanday fikr bildirgani yo'q. Xattoki O'FA rasmiy saytida ham bosh murabbiyimizning fikrlari chop etilgani yo'q.
Bizga malum bo'lishicha, ertangi uchrashuv oldidan hech qanday matbuot anjumani tashkil etilmagan.
Bosh sahifaga
280