Ortga nazar tashlaydigan bo'lsak, AGMK o'z tarixida ilk marotaba mavsumni 2 murabbiy qo'l ostida o'tkazdi. 2008-2016 yillarda Igor SHkvirin jamoaning bosh murabbiyi bo'lgandi. 2017 yilda boshqaruv Viktor Kumikovga topshirildi. Joriy mavsumning dastlabki 13 turida Viktor Balyutovich jamoani boshqargan bo'lsa, qolgan 19 o'yinda bosh murabbiylik Baxtiyor Ashurmatov tomonidan amalga oshirildi.
SHu o'tgan 11 mavsum davomida jamoa 312 uchrashuv o'tkazdi. 109 o'yinda g'alaba nashidasini surgan jamoa, 65 bahsda durang qayd etgan va 138 uchrashuvda raqib muvaffaqiyatga erishgan. To'plar nisbati - 428-464.
AGMKning 11 yillik o'yinlari statistikasi.
CHempionat qoidalariga ko'ra har bir jamoa uy va safar o'yinlarini o'tkazadi. Bu yilgi natijalar shuni ko'rsatdiki, AGMK 2018 yilda o'z maydonida antirekord qayd etib, muxlislarini ko'p marotaba ranjitib qo'ygan. Jamoa hatto o'z tarixida eng past ko'rsatkichga erishgan 2016 yilgi mavsumda ham o'z maydonida yaxshiroq natijalarga erishgan ekan. Bu yil jamoa Olmaliqda o'tgan 16 o'yinda 19 ochko jamg'arishga erishdi. Bu borada turnir jadvalidagi o'rni ham eng past ko'rinishga keldi. Jamoa 10-o'rin bilan kifoyalandi.
AGMKning o'z maydonida o'tkazgan o'yinlari statistikasi
O'z maydonida antirekord qayd etgan AGMK, safar o'yinlarida muvaffaqiyatli ko'rsatkichlarga erishib o'z rekordini yangiladi. Jamoa ilk marotaba mehmondagi uchrashuvlarda 18 ochko jamg'arishga erishdi. SHuning bilan bir qatorda safar o'yinlari statistik jadvalida 4-pog'onani band etdi.
AGMKning safar o'yinlarida qayd etgan statistikasi
Bosh sahifaga
742