Akramjon Komilov: “O'ylaymanki, Iroqqa qarshi bahsda hammasi yaxshi bo'ladi”

15 yanvar kuni terma jamoamiz futbolchilari OAV vakillarining savollariga javob qaytarishdi. “Bunyodkor” matbuot xizmati olimpiya terma jamoasidagi “Bunyodkor” vakillarining fikrlari bilan qiziqdi. Himoyachi Akramjon Komilovning dastlabki uchrashuv va keyingi bahs oldidan bildirgan fikrlari quyidagicha yangradi.

- Turnirdagi ilk o'yin og'ir bo'lishini bilardik. SHu boisdan ham tayyorgarlik kuchaytirilgandi. Janubiy Koreya termasiga qarshi bahsni yaxshi boshladik. Hakam xatosi tufayli belgilangan penalti rejalarimizni o'zgartirib yubordi. Xatto 2:0 hisobida ortda borayotganimizda ham g'alaba haqida o'ylab, o'yinimiz yaxshi suratda davom ettirdik. Gol urib, farqni qisqartirishga erishdik. Hujumlar uyushtirishni sira ham to'xtatmay, oldinga intildik. Afsuski, qizil kartochka bizni ruhan sindirdi. Lekin o'yin bo'yicha raqibga engilmadik, deb bemalol ayta olaman. Himoyada xatolar bo'ldi. O'ylaymanki, navbatdagi bahsda hammasi yaxshi bo'ladi. Mag'lubiyatdan to'g'ri xulosa chiqardik. Oldimizda g'alaba qozonishdan boshqa yo'l yo'q. Biz oxirigacha kurashamiz, - deydi Akramjon Komilov.