Ammo musobaqa sari ilk qadam 44 oy oldin tashlangandi desa mubolag'a bo'lmaydi. Malumki, ushbu Osiyo chempionatida tarixda birinchi marta 24 terma jamoa ishtirok etadi. Bungacha Osiyo Kuboklarida 16ta jamoa qatnashib kelayotgandi. Navbatdagi musobaqaga saralash birinchi marta 2015 yilning mart oyida o'tkazilgandi.
JCH-2018 saralash bahslarining oxirgi bosqichiga chiqqan omadli 12ta jamoa avtomatik ravishda Osiyo Kubogi yo'llanmasini qo'lga kiritdi. Bular - Saudiya Arabistoni, BAA, Avstraliya, Qatar, Xitoy, Eron, Yaponiya, Suriya, Tailand, Iroq, Janubiy Koreya va O'zbekiston.
Osiyo Kubogi saralashining 3-bosqichida 24ta terma jamoa o'zaro bahs olib bordi. Bir yildan sal ko'proq davom etgan vaqt mobaynida sakkiztadan o'yin o'tkazgan jamoalar orasida Livan, KXDR, Hindiston, Qirg'iziston, Iordaniya, Vetnam, Ummon, Falastin, Bahrayn, Turkmaniston, Filippin va Yaman terma jamoalari ham musobaqa yo'llanmasini qo'lga kiritishdi.
Saralashda umumiy hisobda 252ta o'yin o'tkazildi, darvozalarga jami 820ta gol urildi. Ushbu Osiyo Kubogida uchta debyutant bor. Yani, Qirg'iziston, Filippin va Yaman o'z tarixlarida birinchi bor musobaqaning final bosqichida ishtirok etishadi. Yana shuni aytish lozim, Osiyo Kubogi tarixda ikkinchi bor BAAda tashkil qilinyapti. Birinchisi 1996 yil shu mamlakatda o'tkazilgan bo'lib, unda Saudiya Arabistoni g'olib chiqqandi.
Bosh sahifaga
190