Dastlab yilning eng yaxshi darvozaboni, eng yaxshi himoyachisi, eng yaxshi yarim himoyachi va eng yaxshi hujumchi elon qilgandik. Endi navbat yilning eng yaxshi murabbiyiga.
Demak, Superliga-2018da yilning eng yaxshi murabbiyi bo'lishga nomzodlar quyidagicha ko'rinish oldi:
Andrey Fyodorov ("Lokomotiv")
SHota Arveladze ("Paxtakor")
Baxtiyor Ashurmatov (AGMK)
Ilhom Mo'minjonov ("Navbahor" sobiq bosh murabbiyi)
Mirjalol Qosimov ("Bunyodkor")
Saytimiz xodimlari o'rtasidagi so'rovnomaga ko'ra, joriy mavsumda O'zbekiston chempionatida faoliyat ko'rsatgan mutaxassislar ichidan eng yaxshi murabbiyni aniqladik. Unga ko'ra, Superligada yilning eng yaxshi murabbiyi deya "Bunyodkor" ustozi Mirjalol Qosimov topildi.
Garchi moliyaviy qiyinchiliklarga qaramasdan "Bunyodkor"ni yuqori oltilikda va sovrinli o'rinlar uchun oxiriga qadar mardonavor kurashtira olgan Mirjalol Qosimov, joriy mavsumda yulduz futbolchilarsiz ham ajoyib ishladi. So'rovnomada Qosimov juda katta ustunlik bilan raqobatchilarini ortda qoldirdi va yakunda haqli ravishda chempionatning eng yaxshi murabbiyi nomiga sazovor bo'ldi. "Lokomotiv" bilan chempionlikka erishgan Andrey Fyodorov ikkita ovoz, AGMKni o'tish o'yinlari orqali elitada saqlab qolgan va mamlakat kubogi sohibiga aylangan Baxtiyor Ashurmatov bitta ovoz to'pladi. Nomzodlar qatoridan o'rin olgan SHota Arveladze va Ilhom Mo'minjonov ovoz to'plamadi.
Quyida saytimiz xodimlari kimga ovoz berishganini havola etamiz:
Narzulla Saydullaev - Andrey Fyodorov
Tolibjon Qosimov - Mirjalol Qosimov
SHahboz Beg'amov - Mirjalol Qosimov
Jahongir Fayzullaev - Baxtiyor Ashurmatov
Zoir Tursunboev - Andrey Fyodorov
Nig'mon Nazimov - Mirjalol Qosimov
Alisher Xolmatov - Mirjalol Qosimov
Nozima Zaripova - Mirjalol Qosimov
Xayrulla Xoliqov - Mirjalol Qosimov
Jasur Aslanov - Mirjalol Qosimov
Nodirxo'ja Yuldashev - Mirjalol Qosimov
Gayrat Xasbiulin - Mirjalol Qosimov
Asror Abdunazarov - Mirjalol Qosimov
SHu tariqa "Bunyodkor" ustozi Mirjalol Qosimov "CA" talqini bo'yicha Superliga-2018da yilning eng yaxshi murabbiyiga aylandi.
Bosh sahifaga
175