Yong'in haqidagi xabar Toshkent shahar IIBB Yong'in xavfsizligi boshqarmasining Kuch va vositalarini boshqarish va muvofiqlashtirish markaziga soat 13:32 da kelib tushgan.
Voqea joyiga Toshkent shahar garnizonidan 6 ta asosiy va 2 ta maxsus yong'in o'chirish ekipajlari yo'naltirilgan. Voqea joyiga yong'in o'chirish avtomobillari soat 13 dan 41 daqiqa o'tganda etib borgan vaqtida avtosaroy avtomobillarining kuzov qismini tamirlash boksining ichki qismi ochiq alanga bilan yonayotganligi va u erdan qora tutun chiqayotganligi aniqlangan.
Ko'rilgan tezkor harakatlar natijasida yong'in soat 14:01 da qurshab olinib, soat 14:08 da to'liq bartaraf etilgan.
Yong'in oqibatida avtomobillarning kuzov qismini tamirlash boksining 50 kv.metr maydonda ichki va tom qismi hamda ichidagi 1 MAN va 1 ta Mercedes benz rusumli avtobuslarning salon va kuzov qismi yonib zararlangan.
Tan jarohati olganlar yo'q. Taxminlarga ko'ra yong'inga Mercedes benz rusumli avtobusga texnik xizmat ko'rsatish uchun payvandlash ishlarini olib borishda yong'in xavfsizligi qoidalarining buzilishi bo'lgan.
Hozirda voqea yuzasidan surishtiruv ishlari olib borilmoqda. Moddiy zarar miqdori aniqlanmoqda. Yong'indan avtomobillarning kuzov qismini tamirlash boksining 800 kv.metr maydoni hamda tamirlash boksida bo'lgan ISUZU rusumli yuk avtomobili va Damas rusumli avtomobili saqlab qolingan.
Bosh sahifaga
174