Dastlab Bahrayn ustozi Miroslav Soukup jurnalistlar bilan suhbatlashdi.
"Kimdir o'yindan oldin durangga rozimisan deganida roziman derdim. Odamlar bizning omadimiz keldi deb o'ylashi mumkin. Ammo BAA kuchli jamoa, ular birinchi taymda yaxshi o'ynashdi. Menimcha natija adolatli bo'ldi.
Tanaffusda yigitlarim bilan gaplashib olgach, ikkinchi taymda yaxshiroq ko'rindik. Albatta yutishni istadi ammo BAAni juda ham hurmat qilib yubordik. SHogirdlarim xato qilishdan qo'rqishdi.
Butun o'yinni olsak, 1:1 adolatli natija deb hisoblayman.
Albata oldinda bizni qiyin bahslar kutib turibdi. Ochilish o'yinidagi bosim endi ortda qoldi. Birinchi bahsdagi durang bizga qo'shimcha ishonch bag'ishlaydi. Tailand terma jamoasining kuchini bilaman va BAAga qarshi o'yinda ham qiyin bo'lishini kutayapman", - deydi Miroslav Soukup.
So'ngra mezbonlar ustozi Alberto Zakkeroni fikrlari bilan o'rtoqlashdi.
"Albatta Osiyo Kubogi ochilish o'yinida g'alaba qozonishimizni istagandim. Ammo futbolda shunday natijalar ham uchrab turadi.
Bizda bir qator vaziyatlar bo'ldi, ammo foydalana olmadik. Birinchi taymda yaxshi o'ynadik va bahs avvalida hisobni ochishimiz mumkin edi. Bugun jamoam bor kuchi bilan harakat qildi.
Men uchun eng muhimi bahs davomida futbolchilar bor kuchlari bilan o'ynashlari. O'yindan o'yinga biz kuchayib boramiz.
Xatolarni to'g'rilaymiz va xulosa chiqaramiz. Hindiston bilan o'yinda natija bundan yaxshiroq bo'ladi deb umid qilaman. BAA Osiyo Kubogiga chiqqan istalgan jamoaga qarshi o'ynashga tayyor", - deydi Alberto Zakkeroni.
Bosh sahifaga
132