Janubiy Koreya terma jamoasi dastlabki turda Filippin bilan bellashadi. Dubaydagi "Al Maktum" stadionida kechadigan bahs Toshkent vaqti bilan 18:30da boshlanadi.
O'yindan oldingi matbuot anjumanida Filippin bosh murabbiyi Sven-Goran Eriksson quyidagi fikrlarni bildirdi:
"Filippin uchun bunday turnirda oson raqibning o'zi yo'q. Biz ilk uchrashuvni Osiyo Kubogi favoritlaridan biriga qarshi o'tkazamiz. Ammo futbolda syurprizlar ham ro'y berib turadi. Filippin bungacha ushbu musobaqa qatnashmagan, shunday ekan bu erga kelishning o'ziyoq biz uchun katta bayram. Janubiy Koreya o'z tarixida 14-marta Osiyo Kubogida ishtirok etadi. Bunday jamoaga qarshi o'ynar ekansan, raqibni har tomonlama o'rganishga harakat qilasan. O'ylaymanki, biz Janubiy Koreyani yaxshi o'rgandik. Ularning kuchli-kuchsiz jihatlarini bilamiz. Qog'ozda koreyaliklar kuchli, bunga shubha yo'q, lekin hammasi maydonda hal bo'ladi".
O'z navbatida Janubiy Koreya termasi ustozi Paulu Bentuning fikrlari quyidagicha bo'ldi:
"Biz har bir raqibga alohida hurmat bilan yondoshamiz. Mepn terma jamoaga kelganimdan beri doim futbolchilarga shuni uqtirib kelyapman. Agar o'yin oson bo'ladi deb o'ylasak, xato qilgan bo'lamiz. Futbolda eng katta xato bu raqibni mensimaslik. Men uchun har doim navbatdagi o'yin muhim, bitta o'yinni o'tkazib olgach, undan keyingisini o'ylayman. Filippin ko'pincha ikki xil taktikadan foydalanishini bilamiz. Lekin ularning eng kuchli tomoni qarshi hujumlarda ancha tezkor harakat qilishida".
Bosh sahifaga
162