Futbolchilik faoliyati davomida Yaponiyaga qarshi bir necha bor maydonga tushgan, o'tgan mavsum AGMKni O'zbekiston kubogi g'olibiga aylantirgan, ayni paytda "Buxoro" klubi bosh murabbiyi hisoblangan Baxtiyor Ashurmatovning fikrlari bilan qiziqdik.
"Terma jamoamiz o'yini ikkita bahsda ikki xil taassurot qoldirdi. Turkmaniston bilan bo'lgan o'yin juda chiroyli chiqdi va muxlislar qatori biz futbol murabbiylarini ham xursand qildi. Bu uchrashuv biz kelajakka ishonch bilan qarashimiz mumkinligini ko'rsatdi. Yaponiya bilan o'yin jamoamizning asl kuchini ko'rsatib beradi deb o'ylayman. CHunki bu galgi raqib Yaponiya Turkmanistonga nisbatan kuchli jamoa hisoblanadi. Ular terma jamoamizga o'z o'yinini ko'rsatish imkonini bermasligi mumkin. Lekin ishonamanki, O'zbekiston terma jamoasi o'zining ishonchli o'yini bilan muxlislarni xursand qiladi. Menimcha, jamoamiz muxlislarga yoqqan uslubdan voz kechmasdan, hujumkor, kombinacion va jangovor futbol namoyish qilsa yaxshi natijaga erishsa bo'ladi. SHu sababli ham mazkur bahsni mutaxassis sifatida katta qiziqish bilan kutyapman va terma jamoamizga omad tilayman", - dedi Baxtiyor Ashurmatov.
Bosh sahifaga
208