Bu musobaqada ilk bor 24ta jamoa qatnashdi va oltita guruhda eng yaxshi natijaga erishgan 4ta jamoa ham keyingi bosqichga chiqdi.
Kecha oxirgi bo'lib "E" guruhi bahslari bo'lib o'tdi. Livan KXDR ustidan 4:1 hisobida zafar quchdi. Biroq bu natija ham livanliklarga etarli bo'lmadi.
Vaholanki ularning natijasi "D" guruhidagi Vetnamning natijasi bilan bir xil edi.
3-turdan so'ng Livanda ham, Vetnamda ham 3tadan ochko va to'plar nisbati 4:5 edi. Bunday holatda jamoalarning olgan kartochkalari soni hisoblanadi va kim kamroq ogohlantirilgan bo'lsa o'sha jamoa tepada bo'ladi.
Livan KXDR bilan o'yingacha 5ta sariq kartochka olgandi. Vetnam hisobida ham 5ta sariq kartochka bor edi. Biroq kecha livanliklar ikki marta ogohlantirish olishdi va aynan shu sababli ham ular emas Vetnam keyingi bosqichga yo'l oldi.
Agar sariq kartochkalar ham teng bo'lganida so'nggi yo'l qolardi: qura.
Bosh sahifaga
203