Uchrashuvning muhim vaziyatlarini ushbu sahifa orqali kuzatib boring.
YANGILASH
51. O'ng qanotdan uzatilgan to'pni Nguyen Kong Pxuong darvozaga joylab qo'ydi. Bu safar Amir SHafi ham hech narsa qila olmay qoldi. Ajoyib o'yinni ko'rishda davom etamiz.
51. GOOOOOOOOOOOOOOOOOOOOOOOOOOOOOOOL! VETNAM HISOBNI TENGLASHTIRDI! 1:1
46. Ikkinchi taym boshlandi.
Uchrashuvni tomosha qilish uchun OFK prezidenti SHayx Salmon bin Xalifa va FIFA vice-prezidenti, Iordaniya shaxzodasi Ali bin Al Hussayin ham keldi
45+1. Birinchi taym yakuniga etdi. SHiddatli, hujumlarga boy, chiroyli gol urilgan taym yakuniga etdi. Ikkinchi taym bundan kam bo'lmaydi deb umid qilamiz.
45. ZARBAAAAAAAAAAAAAAAAAAAAAAAAA! Tajribali Amir SHafiga bugun oson bo'lmayapti, u navbatdagi zarbani qaytarib jamoasini goldan qutqarib qoldi.
43. ZARBAAAAAAAAAAAAAAAAAAAAAA! Vetnam tanaffusga hisobni tenglashtirib chiqib ketmoqchi. Do Xung Dung tomonidan yo'llagan kuchli va aniq zarbani Amir SHafi qaytardi!
40. O'yinning fotogalereyasini saytimizning maxsus bo'limida kuzatib borish mumkin. FOTOGALEREYA
39. Belgilangan jarima to'pini Baha Abdulrahmon Toni Kroos uslubida darvozaga joylab qo'ydi. Qoyilmaqom ijro va hisob ochildi - 1:0.
39. GOOOOOOOOOOOOOOOOOOOOOOOOOOOOOOOOOOOL! AJOYIB GOL! SUPER GOL! TOMOSHA QILISH
39. Endi yaqinroqdan. Iordaniya yana jarima to'pi tepadi.
38. Iordaniyada jarima to'pi. Yo'llangan zarba jonli devorga tegib qaytdi.
35. ZARBAAAAAAAAAAAAAAAAAAAAAAAA! AJOYIB SEYV! QOYIL VETNAM! Doan Van Xauning jarima maydoni yonidan yo'llagan kuchli zarbasini Amir SHafi qaytardi. O'yin dahshat bo'lmoqda. Buni ko'rish shart.
30. O'yin boshlangach stadionga iordaniyalik ko'plab muxlislar kirib kelishdi va hozir 15 minglik stadionning deyarli yarmini egallashdi.
29. Xavfli vaziyat! Javob hujumi, jamoalar tinim bilishmayapti. Yasin Bahit jarima maydoni ichida qulay vaziyatda zarba berdi, ammo oldinroq to'p uning qo'liga tekkani uchun o'yin to'xtatildi
28. ZARBAAAAAAAAAAAAAAAAAAAA! Vetnamliklar jarima to'piga ega bo'lishdi, Doan Van Xau tomonidan bosh bilan yo'llangan zarbani Amir SHafi ushlab oldi
26. XAVFLI VAZIYAT! Iordaniyaning navbatdagi hujumi, Musa Muhammad Sulaymon jarima maydoni ichiga kirib borib chap oyoqda zarba berdi, kuchsiz zarbadan so'ng darvozabon to'pni osongina ushlab oldi.
25. Dubayda havo ajoyib. Ayni futbol o'ynaydigan havo desak yanglishmaymiz. Engil shabada esib turibdi.
20. ZARBAAAAAAAAAAAAAAAAAAAAAAA! Qanday vaziyat! Iordaniya gol urishga juda yaqin keldi. O'ng qanotdan Firas SHilbayya tomonidan uzatilgan to'p Yasin Bahitga bordi, darvoza yonida turgan futbolchining zarbasi anchayin noaniq chiqdi. SHundoqqina darvoza ortida o'tirgan vetnamlik muxlis va muxlisalar xursandchilikdan baqirib yuborishdi
17. ZARBAAAAAAAAAAAAAA! O'yindagi birinchi chinakamiga xavfli hujum. Yusuf Ravshdexning zarbasini darvozabon ushlab oldi.
16. Aytgancha fevral oyida bu stadionda "Paxtakor" klubi o'ynashi mumkin. Buning uchun jamoa dastlab Iroq klubini mag'lub etishi kerak. SHundan keyin "Al Nasr" mehmoni bo'ladi.
12. Iordaniyaliklar jarima to'piga ega bo'lishdi, to'p osonlik bilan qaytarildi.
Ikki murabbiy o'yindan oldin.
10. O'yinda hozircha hech bir tomon xavfli hujum uyushtirgani yo'q. Iordaniyalik darvozabon Amir SHafi turgan tomonga birinchi taymda quyosh tushmoqda, vetnamliklar bundan foydalanib qolish uchun uzoqdan zarba berishmoqda.
6. "Al Nasr" klubiga tegishli bo'lgan stadion 15 000 tomoshabinga mo'ljallangan. Bo'sh joylar juda ko'p, biroq muxlislar o'z jamoalari hujumga o'tsa quloqni qomatga keltiradigan darajada shovqin qilishmoqda.
3. Ilk daqiqalardan Vetnam ko'proq hujumda o'ynamoqda. Koreyalik murabbiy boshchiligidagi Vetnam terma jamoasi o'zagi 2018 yil Xitoyda o'tgan U-23 Osiyo chempionati finalida o'ynagan yigitlardan tashkil topgan. Vetnam 2019 yilgi Osiyo Kubogining eng yosh jamoasi hisoblanadi. Bu jamoaning o'rtacha yoshi 23ni tashkil etadi. Iordaniyada esa bu ko'rsatkich 28 yoshga teng.
1. O'YIN BOSHLANDI!
- Osiyo Kubogining birinchi nimchorak finali doirasidagi Iordaniya - Vetnam uchrashuvi boshlanishi arafasida. Stadionda ikkala jamoaning ham muxlislari juda ko'p. Ayniqsa iordaniyaliklar juda ko'pchilik. Ular 4ta sektorni egallashgan bo'lsa, Vetnamlik muxlislar 2ta sektorda joylashishgan.
- Diqqat qiling, Dubaydagi "Al Maktum" stadionidan yozamiz.
 Jordan Bahaa Abdulrahman - 39' | Asian Cup 1/8 Finals . 1/8-tur 20/01/2019, 16:00 1 : 1 2-bo'lim |  Vietnam Cong Phuong Nguyen - 51' |
Stadion: Al Maktoum Stadium
Bosh hakam: Alireza Faghani
Bosh sahifaga
264