"AGMK klubi Oliy ligada qanday paydo bo'lib qolganini eslaysiz-a? Adashmasam, o'shanda 1-ligani 8-o'rinda tugatgandi. Keyin birdan yuqorining qarori bilan boy klubga aylanib qoldi va Oliy ligaga qo'shilib oldi.
Bu kabi misollar bizda hamma davrda bo'lgan va hali bo'ladi ham. CHunki, futbolga pulni kim berayotgan bo'lsa, uning aytgani bo'ladi. Sport principlari esa qachonki klublar o'zi pul topishni boshlaganidan keyin ishga tushsa kerak.
Xulosa: kto platit tot i zakazyvaet muzyku".
PFLda faoliyat yuritayotgan Diyor Imomxo'jaev aftidan bu gaplarni bekorga yozgani yo'q. Tez orada Superligada qandaydir o'zgarish bo'ladi shekilli. Anchadan beri "Surxon"ning bu mavsum Superligada ishtirok etishi haqida gap-so'zlar bo'lyapti. SHunga "Surxon" vakillari PFLga kelgan bo'lishlari mumkin.
Malumot uchun, hozircha Ilhom Mo'minjonov boshqaruvidagi jamoaga bir nechta yangi futbolchilar kelib qo'shildi. Masalan, Asilbek Omonov, SHerzod Karimov, Azam Aliev, Azamat Allaniyazov shular jumlasidan. Qolaversa O'zbekiston milliy terma jamoasi safida Osiyo Kubogida ishtirok etgan Davron Hoshimovning ham shu klubga o'tishi kutilmoqda. Har holda Osiyo Kubogida yaxshi o'yin namoyish etgan futbolchi Proliga klubiga bormasa kerak.
Balki Diyor Imomxo'jaev umuman boshqa narsani nazarda tutgan bo'lishiyam mumkin. Voqealar rivojini kutib qolamiz.
Bosh sahifaga
195