Final bahsida mamlakatning eng kuchli ikki klubi bahs olib bordi.
Uchrashuvning 79-daqiqasida “Portu” hujumchisi Fernando hisobni ochgan bo'lsa, hakam tomonidan qo'shib berilgan daqiqalarda, 90+2-daqiqada Bas Dost penaltidan gol urib, muvozanatni tikladi. Reglamentga muvofiq, tomonlar 11-metrlik penaltilar seriyasi orqali g'olib nomini aniqlashga kirishishdi. Unda “Sporting”ning qo'li baland keldi.
Portugliya liga kubogi musobaqasi 2007 yildan buyon o'tkazib kelinadi. Ushbu g'alaba “Sporting”ning mazkur turnirdagi ikkinchi sovrini bo'ldi. Mazkur musobaqani yutish bo'yicha mutlaq rekordchi “Benfika” sanaladi. Ular 7 marta liga kubogida g'olib chiqishgan. “Portu”ga esa hozircha ushbu musobaqada bosh sovringa ega chiqish nasib etmayapti.
Portugaliya Liga kubogi. Final.
Portu – Sporting 1:1
Gollar: 1:0 – Fernando – 79, 1:1 – Dost – 90+2 (pen)
Penaltilar seriyasi: 1-3
Bosh sahifaga
237