Nozim Mullaoxunov boshqaruvidagi "Rashk-Milk" jamoasi bu yil PRO-Ligada ishtirok etishni maqsad qilgan. SHuning uchun murabbiylar shtabi tarkibni mahoratli futbolchilar bilan ham kuchaytirishga xarakat qilmoqda.
Uzoq yillar davomida Farg'onaning "Neftchi" jamoasi sharafini himoya qilgan Mansur Saidovning faoliyatida so'nggi paytlarda sezilarli pasayish bo'ldi deyish mumkin. 36 yoshli futbolchi o'tgan mavsum PRO-Liga "B" guruhi debyutanti "Iftixor" jamoasida ko'rinish bergandi. Biroq chempionatning dastlabki turlaridan keyin Saidovni Oltiariq jamoasida boshqa ko'rmadik. SHundan so'ng ko'pchilik Mansurni butsalarini mixga ilishga qaror qilgan bo'lsa kerak degan xayolga borgandi. Lekin Mansur Saidov aftidan futbol o'ynashni davom ettiradigan ko'rinadi. Sababi unga SHahrixonning "Rash-Milk" jamoasidan chorlov bo'lgan.
SHuningdek shahrixonliklar yana bir tajribali hujumchi Anvar Berdievga ham taklif bilan chiqqan. Agarda tomonlar kelishuvga erishsa, Xolmatov, Berdiev, Saidov triosini yana bir jamoada ko'rishimiz mumkin. Ishqibozlar yaxshi eslashsa kerak, ushbu trio o'z vaqtida "Neftchi" safida har asosiy figura sifatida har qanday raqib jamoaga tashvish tug'idirgan. Avval xabar berganimizdek, jamoa safiga bir necha kun oldin tajribali Akmal Xolmatov kelib qo'shilgandi.
Ayni damda Farg'onada o'tayotgan "Hokim Kubogi" musobaqasida ishtirok etayotgan "Rashk-Milk" jamoasi tarkibida bugun Mansur Saidov bilan Akmal Xolmatov maydonga tushdi. "UzDongYAngKo" (Andijon) jamoasiga qarshi kechgan uchrashuvda shahrixonliklar 3:0 hisobida g'alaba qozondi.
Bosh sahifaga
279