Ignatiy Nesterov doping qabul qilganmi?
Championat.asia sayti ushbu vaziyatni imkon qadar kuzatib borishga harakat qilmoqda. Hozirgina O'zbekiston futbol associaciyasi (O'FA) vakili bilan bog'landik va vaziyatga oydinlik kiritdik.
O'FA vakilining so'zlariga ko'ra, OFK (doping nazorat qo'mitasi) "Ohod" klubi va O'zbekiston futbol associaciyasiga rasmiy ogohlantirish xati yuborgan. Unga ko'ra, Ignatiy Nesterov Osiyo Kubogi paytida WADA (butunjahon antidoping agentligi)ning taqiqlangan ro'yxatiga kiritilgan moddani qabul qilgan. SHu sababli maktubda Nesterovning malum muddatga diskvalikaciya qilinishi yoki qilinmasligi yuzasidan ish olib borilayotganligi, ammo hali yakuniy qaror qabul qilinmaganligini va yakuniy qaror qabul qilingunga qadar ushbu malumotni sir saqlash shart ekanligi belgilab qo'yilgan.
"Ohod" klubi vaziyatga masuliyatsiz yondoshib, OFKning ogohlantiruviga qaramay, hali qaror qabul qilinmagan futbolchiga oid malumotni OAVga tarqatib yuborgan. O'FA vakilining so'zlariga ko'ra, Nesterov shunchaki vazn tashlashga yordam beruvchi vositani qabul qilgan va ushbu vosita WADAning taqiqlangan moddalar bo'yicha so'nggi ro'yxatidan joy olganini bilmagan. Bu modda futbolchiga hech qanday quvvat bermaydi. O'zbekiston futbol associaciyasi ushbu vaziyat yuzasidan Ignatiy Nesterov va zarur bo'lsa terma jamoa shifokori bilan birgalikda OFK vakillari bilan uchrashishga tayyor. Ularning so'zlariga ko'ra, bu u qadar qo'rqinchli modda emas, lekin WADAning taqiqlangan vositalar ro'yxatiga kiritilgan, ko'pincha bunday holatlarda OFK futbolchi tomonda bo'ladi va ularni kechiradi.
O'FA matbuot xizmati tez orada mazkur masala yuzasidan to'liq bayonot berishini malum qilishdi.
Bosh sahifaga
257