SHveycariyaning “Niderer Kraft und Fray” hamda Angliyaning “Xogan Lavellz” xalqaro yuridik kompaniyalarining vakillari bilan uchrashuvda “Bunyodkor” rahbariyati ayni shu kunlarda klub oldida turgan eng dolzarb masalalar bo'yicha tahlil va muhokamalar olib bordi. Kun tartibidagi eng asosiy masala – “qaldirg'ochlar”ning ostonamizda turgan yangi mavsumni Superligada muvaffaqiyatli o'tkazib olishlariga bag'ishlandi. Bu uchun klub qanday choralar ko'rishi zarurligi o'rganib chiqildi. Xalqaro boy tajribaga ega yuristlar bu borada “Bunyodkor” FKga, FIFA tasdig'idan o'tgan reglamentlar va boshqa huquqiy-meyoriy hujjatlar hamda FIFA ustavidan kelib chiqib, o'zlarining kerakli taklif va maslahatlarini taqdim etishdi.
“Bunyodkor” klubi hamkorlarining yurtimizga tashrifi davom etmoqda. Ular bilan uchrashuv ertaga yana olib boriladi.
Bosh sahifaga
181