Buyuk Jijji hamon futbol o'ynamoqda. Ammo o'z yurtida emas, Franciyada posbonlik qilmoqda. PSJning ham, Buffon ham maqsadi bitta — CHempionlar Ligasi Kubogini qo'lga kiritish. Afsonaviy darvozabon ushbu turnir finalida 3 marotaba ishtirok etgan. Biroq mukofotni boshi uzra ko'tarish hali unga nasib etmadi. Bu yilgi ECHL u uchun so'nggi imkoniyat bo'lishi mumkin. Nima bo'lganda ham, italiyalik faoliyatining yangi sahifasini Franciyada yozmoqda. Ushbu mamlakatda avval ham italiyalik futbolchilar muvaffaqiyat qozonishgan. Bugun ular haqida suhbatlashamiz.
Mario Balotelli
Italiya futbolining eng yorqin namoyondalaridan biri Mario hisoblanadi. Uni boshqarish qiyin edi. Lekin uning ko'ngliga yo'l topsangiz, uni to'xtatib bo'lmasdi. Balotelli "Milan"dan keyin, APLda yanada katta yutuqlarga erishish uchun "Liverpul" bilan shartnoma imzoladi.
Biroq u erda Mario o'zining eng omadsiz davrini o'tkazdi. Italiyalik faoliyatini yaxshi tomonga o'zgartirish uchun, keskin burulish yasadi: Franciyaning "Nicca" klubi bilan shartnoma tuzdi. Bunga qadar "Super Mario" u doim katta jamoalarda o'ynagandi. SHuning uchun, ko'pchilik uning bu qarorini maqullamadi. Ammo Balo bu tanqidlarning barchasiga maydondagi chiqishlari orqali javob berishga qaror qildi: "burgutlar"ning 61 uchrashuvida 33ta gol urdi. Biroq og'ir xarakteri tufayli "Nicca" bosh murabbiyi Patrik Vieyra bilan janjallashib qoldi va klubini o'zgartirishga majbur bo'ldi. Maril anchadan buyon jamoasiga to'purar qidiriyotgan "Marsel" klubiga o'tdi. Hozircha u erda zimmasidagi vazifani yaxshi bajarishga harakat qilmoqda. U "janubliklar"ning 4 o'yinida ishtirok etib, 3ta gol urishga muvaffaq bo'ldi.
Marko Di Vayo
Dunyoning eng yaxshi hujumchilari Italiyada o'ynayotgan bir vaqtda, Di Vayo o'z davrining qurboni bo'ldi. U turli harakatlar bajara oladigan yaxshi forvard edi. "Parma"dagi ajoyib faoliyatidan so'ng, "Yuventus" va "Valensiya" kabi top-klublar unga qiziqish bildirgandi. Ispaniyaga bo'lgan sayohatdan keyin, u Franciyaga yo'l oldi va "Monako" bilan shartnoma imzoladi.
Marko "monegaskilar" safida bir yil to'p tepdi. Undan tashqari, jamoada yana bir italiyalik hujumchi Kristian Veri ham bor edi. Di Vayo "qizil-oq"lar tarkibida 35 o'yinda ishtirok etib, 8ta gol urdi. Ha, bu uning faoliyatidagi eng yaxshi davrlaridan biri bo'ldi deyish qiyin. SHubhasiz, Marko Di Vayo Liga 1 da to'p tepgan italiyalik eng yaxshi futbolchilardan biri hisoblanadi.
Stefan El-SHaaravi
Di Vayo bilan bo'lgani kabi, bu erda ham knyazlik jamoasi "Monako"ga ko'chib o'tgan futbolchi haqida gap ketmoqda. Ammo bu davr Stefan El-SHaravi uchun faoliyatining omadli davri bo'lib tarixda qolmadi. Iqtidorli yarim himoyachining Franciyadagi ishlari unchalik yurishmagani futbol ishqibozlariga sir emas. Stefan u erda yarim yil faoliyat yuritdi va 3tagina gol urishga muvaffaq bo'ldi. Agar hujumchi "monegaskilar"ning 25 o'yinida maydonga tushsa, "Monako" o'yinchi uchun "Milan"ga 13 million evro to'lab berishi kerak edi. Lekin 24-o'yindan so'ng, klub rahbariyati futbolchi mavsumning qolgan qismini zaxira o'rindig'ida o'tkazishini malum qildi. SHuningdek, ular o'yinchini sotib olish fikridan ham qaytishdi. Agar sizga kimdir ishonch bildirmasa, bazida o'zingizni namoyon qilishga qiynalasiz. SHuning uchun, 2016 yil yanvarda El-SHaaravi "Roma" bilan shartnoma tuzdi. U hozirgi kunda ham o'sha erda faoliyat yuritmoqda.
Fabio Grosso
"Inter"da bir mavsum o'ynaganidan keyin, Fabio Grosso yangi taklifni qabul qildi va Franciyaning "Lion" klubi tomon yo'l oldi. Fabio u erda yaxshi natijalarga erishdi. Ikki mavsum ichida 3ta sovrinni qo'lga kiritdi: mamlakat chempionati, Kubok va Superkubok. Keyinchalik u mahalliy jurnalistlarga shunday dedi: "Umid qilamanki, "Lion" muxlislari JCH-2006da Franciya darvozasi tomon tepgan penaltimni unutishgan...".
Tiago Motta
Parij grand klubining haqiqiy afsonaviy o'yinchisi Tyago bu erda 7 mavsum davomida maydonga tushdi va PSJning etakchilaridan biriga aylandi. Italo-braziliyalik Franciyada 19ta mukofotni qo'lga kiritdi: 5 marta ichki chempionat, 5 bora Franciya Liga Kubogi, 4ta Franciya Kubogi va 5ta Superkubok.
Motta faoliyati davomida ko'p marotaba jurnalist va muxlislar tanqidiga duch kelardi. Lekin bularning hammasiga u yutuqlari bilan javob qaytarardi. SHuningdek, yuqorida sanab o'tilganlar orasiga 2ta CHempionlar Kubogini ("Barselona" va "Inter" bilan) qo'shsak, u holda Tiago Italiyadagi eng sovrindor futbolchilar orasiga kirishi aniq.
Marko Verratti
Marko Verratti — noyob futbolchi. U "Skuadra Adzurra"ning asosiy o'yinchisi edi. Lekin A Seriyaning birorta ham o'yinida ishtirok etmagan. 2012 yil u V Seriya jamoasi "Peskara"dan PSJga o'tgan. Parijliklar yarim himoyachi uchun 13 million evro to'ladi. Bu summa o'sha payt "Peskara" uchun kattagina pul edi. Oz fursat ichida Verratti Evropaning eng yaxshi markaziy yarim himoyachilaridan biri bo'ldi. Har safargi transfer oynasida etakchi top-klublar unga taklif bilan chiqadi. Biroq PSJ o'z etakchisidan ayrilishni istamayapti. Eslatib o'tamiz, Marko Veratti olti yarim yil ichida Franciyada 20ta sovrinni qo'lga kiritishga muvaffaq bo'ldi.
Kristian Panuchchi
Kristian Panuchchi faoliyati davomida Ispaniya ("Real" tarixidagi birinchi italiyalik), Angliya ("CHelsi"da) va Franciyada o'ynashga urgurdi. U Franciyaning "Monako"sida yarim yil to'p tepdi. Umumiy hisobda u 19 o'yinda maydonga tushib, 3tagina gol urdi. ECHLning ikki karra yurtiga 2001 yilda qaytdi va A Seriyaning 9 mavsumida maydonga tushdi: 8 mavsum "Roma"da hamda 1 mavsum "Parma"da faoliyat yuritdi.
Fabricio Ravanelli
Italiyalik forvard "Olimpik Marsel"da uch yil davomida to'p tepdi. U Franciya klubining 84 bahsida ishtirok etib, 31ta gol urdi. Ravanelli Franciyada birorta sovrin ham yuta olmadi. Biroq jamoasi ECHL-1999ga qaytishiga yordam berdi. Franciyadan tashqari, Fabricio Angliya va SHotlandiyada ham faoliyat yuritgan.
Marko Simone
Marko Simone Franciyaning PSJ, "Monako", "Nicca" jamoalarida o'ynagan. "Milan"da 8 mavsumdan so'ng Markoga PSJ tomonidan taklif bildirildi. U parijliklar bilan birgalikda Liga Kubogi, Franciya Kubogi va Superkubokni ko'lga kiritdi. Keyin u "Monako"ga o'tdi va u erda ham mamlakat kubogiga sazovor bo'ldi. U Franciya klublarida umumiy hisob bilan 76ta gol urishga erishdi.
Kristian Veri
Italiyalik to'purar Franciya chempionatiga faoliyatining oxirgi pallalarida o'tdi. Bunga qadar, Veri nafaqat A Seriyada, balki Ispaniyada ham katta yutuqlarga erishgandi. U Madridning "Atletiko"sida bir yil davomida to'p tepdi va 24ta gol urishga muvaffaq bo'ldi. "Monako"da esa yarim yil o'ynadi va 11 uchrashuvda 5ta gol urdi. U yanada yorqinroq o'yin ko'rsatishi mumkin edi, lekin unga jarohat halal berdi. Kristian 2006 yil iyunda Italiyaga qaytdi. U erda yana 3 mavsum o'ynab, faoliyatini yakunladi.
Andrea Raji
Raji "Monako" Liga 2da o'ynayotgan vaqtda, shu klubga o'tdi. Lekin u "monegaskilar" bilan nafaqat elitaga qaytdi, balki Franciya-2017 chempioni bo'ldi. Bu yil "Monako" ECHL yarim finaligacha chiqishga muvaffaq bo'ldi: final yo'llanmasini Turinning "Yuventus"iga boy berdi. Andrea klub sardori sifatida bir necha marta jamoasini oldinga etaklagan. "Monako" muxlislari Raji faoliyatini aynan "qizil-oqlar" tarkibida yakunlashini istashmoqda.
P.S. Nima deb o'ylaysiz, Jijji Buffon PSJda katta yutuqlarga erishib, Franciya futbolining afsonasi bo'la oladimi? Fikrlaringizni kutib qolamiz! :)
Nozima Zaripova tarjimasi
Bosh sahifaga
142