"Amrabat markazda Kazemiro bilan birgalikda ham o'ynay oladi. U maydonda biroz yuqoriroq joylashishi ham mumkin. O'ylashimcha, u tarkibimizni yanada kuchaytiradi. Sofyan APL va CHempionlar Ligasiga mos keladigan darajadagi futbolchi. Amrabat transferi avvalroq amalga oshmaganiga munosabatim? Barchasi o'z vaqti bilan bo'ladi", – deya ten Xag so'zlaridan iqtibos keltiradi "Manchester Yunayted" rasmiy sayti.
Eslatib o'tamiz, MYU Amrabatni "Fiorentina"dan 10 million evroga ijaraga oldi. Mavsum oxirida inglizlar yarim himoyachini 20 millionga sotib olish huquqiga ega.