Germaniya terma jamoasining sobiq futbolchisi Mixael Ballak Bundestimga munosib murabbiyni aytdi.
"Murabbiy izlash eng yaxshisiga qaratilishi kerak. Men tajribali insonni tayinlagan bo'lardim, Lui van Gal – ajoyib murabbiy. Van Galda deyarli hamma narsa bor.
Menimcha, jamoaga yangi impuls kerak. U hurmatga sazovor, katta tajribaga ega, murabbiylikning barcha nozik tomonlarini biladigan inson. Uning Niderlandiya pasportiga ega ekanligini qabul qilsak bo'ldi", – dedi Ballak.
Avvalroq van Gal Germaniya terma jamoasi bosh murabbiyi bo'lish uchun nomzodlardan biri edi.