O'yin haqida
- O'yin to'liq bizning nazoratimizda o'tdi. Hududiy jihatdan ham, to'p nazorati borasida ham ustun edik. Juda ko'p vaziyatlar yaratdik, ammo vaziyatlarni yakunlashni uddalay olmadik. O'yinga kelsak, biz yaxshi uchrashuv o'tkazdik. Vaziyatlarni yakunlashda muammolar bo'ldi.
- Lutfulla To'raev zaxirada qoldirilishiga sabab nima bo'ldi?
- Unda jarohat bor edi. Biz unga jarohat murakkablashtirib ketmasligi uchun pauza berishga qaror qildik.
- Bugun nega gruziyalik legionerlar asosiy tarkibda o'yinni boshlashmadi. Ulug'bek Hoshimovni asosiy tarkibda maydonga tushirsa bo'lmasmidi?
- Bu erda bizning yosh futbolchilar Olimpiya terma jamoasida bo'lishganini hisobga olish kerak. Ular juda ko'p o'yin o'tkazishdi. Men ularni asosiy tarkibda yana maydonga tushirganimda bu muammo olib kelishi mumkin edi. Gruzin futbolchilarga kelsak, biz futbolchilarning holatini kuzatib boramiz, asosiy tarkibda tushish uchun bunga munosib bo'lish kerak. Bu savolni ularga berish to'g'riroq bo'ladi.
- Ijara asosida harakat qilayotgan Bilolxon Toshmirzaev bosh murabbiyning ishonchiga sazovor bo'lmoqda va asosiy tarkibda maydonga tushirilmoqda. Keyingi yilgi rejalarda u bormi?
- U yomon o'yin ko'rsatmapyati. Bizning barcha ko'rsatmalarimizni bajarishga harakat qilmoqda. Keyingi harakatlar esa uning o'ziga bog'liq. Bilolxon o'zini qanday tutishiga bog'liq hammasi.
Bosh sahifaga
133